ମାସିକ ଧର୍ମକୁ ନେଇ କରିଥିବା ୨୫ବର୍ଷ ତଳର ବିଜ୍ଞାପନ ଭିଡିଓ ସେୟାର କରି ସ୍ମୃତି ଇରାନୀ କହିଲେ ଏଭଳି କଥା….
ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ସୋସିଆଲ ମିଡିଆରେ ଖୁବ ସକ୍ରିୟ ରହିଥାଆନ୍ତି। ସେ ତାଙ୍କ ଦୈନନ୍ଦିନ ଜୀବନ ସହିତ ଜଡ଼ିତ ଅନେକ ପୋଷ୍ଟ ସେୟାର ବି କରିଥାଆନ୍ତି। ଏହି କ୍ରମରେ ସ୍ମୃତି ଇରାନୀ ଏକ ବଡ଼ କମ୍ପାନି ପାଇଁ କରିଥିବା ପ୍ରଥମ ବିଜ୍ଞାପନକୁ ସେ ସୋସିଆଲ ମିଡିଆରେ ସେୟାର କରିଛନ୍ତି। ଏହି ବିଜ୍ଞାପନଟି ମାସିକ ଧର୍ମ ସମୟରେ ସ୍ବଚ୍ଛତା କିପରି ରକ୍ଷା କରାଯାଇ ପାରିବ ସେ ବିଷୟବସ୍ତୁ ଉପରେ ଆଧାରିତ ଥିଲା। ଏଥିସହିତ ଏହି ବିଜ୍ଞାପନରେ ମାସିକ ଧର୍ମ ପ୍ରତି ଲୋକଙ୍କ ଅନ୍ଧବିଶ୍ବାସକୁ ସ୍ମୃତି ଇରାନୀ ଦୂର କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସ୍ମୃତି ଇରାନୀଙ୍କ ଦ୍ବାରା ସେୟାର କରାଯାଇଥିବା ଏକ ଟେଲିଭିଜନ ବିଜ୍ଞାପନ କ୍ଲିପରେ,ସେ ଜଣେ ମହିଳାଙ୍କୁ ମାସିକ ଧର୍ମର ୫ଦିନ ବିଷୟରେ ବୁଝାଉଥିବା ଦେଖିବାକୁ ମିଳୁଛି। ସେ ଲୋକଙ୍କୁ ଜଣାଉଛନ୍ତି କି ଏହା ପ୍ରତ୍ୟେକ ମହିଳାଙ୍କ ପାଇଁ ସାଧାରଣ କଥା। ମାସିକ ଧର୍ମ ଏହା ସଙ୍କେତ ଦେଇଥାଏ କି ଜଣେ ଝିଅ ଏଣିକି ବଡ଼ ଓ ବୁଝିଲାଶୁଝିଲା ହୋଇଗଲା।
View this post on Instagram
ସ୍ମୃତି ଇରାନୀ କ୍ୟାପସନରେ ଲେଖିଛନ୍ତି, ‘‘୨୫ବର୍ଷ ପୂର୍ବେ ଏକ ବଡ଼ କମ୍ପାନି ପାଇଁ ଏହା ମୋର ପ୍ରଥମ ବିଜ୍ଞାପନ ଥିଲା । କିନ୍ତୁ ବିଷୟବସ୍ତୁ ଏତେ ଆକର୍ଷଣୀୟ ନଥିଲା। କିନ୍ତୁ କ୍ୟାମେରା ସାମ୍ନାକୁ ଆସିବାର ଇଚ୍ଛା ଥିବାରୁ ମୁଁ ଏହି ବିଜ୍ଞାପନରେ କାମ କରିବି ବୋଲି ହଁ କହି ଦେଇଥିଲି। କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଏହି ବିଜ୍ଞାପନ କରିବା ପରେ ମୋ ପାଖକୁ ଗୋଟିଏ ପରେ ଗୋଟିଏ କାମ ଆସିଥିଲା। ମୁଁ ମୋର କ୍ୟାରିୟରରେ ଆଗେଇ ଚାଲିଥିଲି।’’
ଏହି ଭିଡିଓକୁ ଅନେକ ଲୋକ ପସନ୍ଦ କରୁଥିବା ବେଳେ ସେୟାର ବି କରୁଛନ୍ତି। ଏଥିସହିତ ବିଭିନ୍ନ ପ୍ରକାର ପ୍ରତିକ୍ରିୟା ବି ଦେଉଛନ୍ତି ସୋସିଆଲ ମିଡିଆ ବ୍ୟବହାରକାରୀ।