ନୂଆଦିଲ୍ଲୀ : ସହିଦ୍ ହେମନ୍ତ କରକରେଙ୍କୁ ନେଇ ବିବାଦୀୟ ବୟାନ ଥମିବାର ନାଁ ନେଉ ନାହିଁ । କିଛି ଦିନ ତଳେ ହେମନ୍ତ କରକରେଙ୍କ ଝିଅ ସାଧ୍ୱୀ ପ୍ରଜ୍ଞାଙ୍କ ବୟାନକୁ ନିନ୍ଦନୀୟ ବୋଲି କହିଥିବା ବେଳେ ଏବେ ଲୋକସଭା ବାଚସ୍ପତି ସୁମିତ୍ରା ମହାଜନ ଅନେକ ବଡ଼ ଖୁଲାସା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଡିୟୁଟି କରିବା ସମୟରେ ହେମନ୍ତ କରକରେ ସହିଦ୍ ହୋଇଥିଲେ ସତ, କିନ୍ତୁ ପୁଲିସ ଅଫିସର ଭାବରେ ତାଙ୍କର ଭୂମିକା ଠିକ୍ ନଥିଲା । କାରଣ ମାଲେଗାଓଁ ବିସ୍ଫୋରଣରେ ପ୍ରଜ୍ଞା ଠାକୁରଙ୍କ ସମେତ ଦିଲୀପ ପାଟିଦାର ନାମକ ଜଣେ ଯୁବକଙ୍କୁ ମଧ୍ୟ ମହାରାଷ୍ଟ୍ର ଏଟିଏସ୍ ଗିରଫ କରିଥିଲା । କିନ୍ତୁ ଗିରଫ ହେବା ପରେ ସେ ଆଉ ଫେରି ନଥିଲେ । ତାଙ୍କୁ ପୁଲିସ ହେପାଜତରେ ହିଁ ହତ୍ୟା କରାଯାଇଥିଲା । ଏବେ ତାଙ୍କର ନିଖୋଜ ହେବାର ମାମଲା ଲୋକସଭା ଏବଂ ଅଦାଲତରେ ଉଠାଯାଇଛି ବୋଲି କହିଛନ୍ତି ସୁମିତ୍ର ମହାଜନ । ତାଙ୍କର ଏଭଳି ବୟାନ ପରେ ହେମନ୍ତ କରକରେଙ୍କୁ ନେଇ ଚର୍ଚ୍ଚା ଆରମ୍ଭ ହୋଇ ଯାଇଛି ।