ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଙ୍କ ଜେଲରେ ଥିବାବେଳେ ତାଙ୍କର ପ୍ରଥମ ନିର୍ଦ୍ଦେଶ ଦେଇଛନ୍ତି। ରବିବାର ସକାଳେ ଏହି ସୂଚନା ପ୍ରଦାନ କରି ଆମ୍ ଆଦମୀ ପାର୍ଟି (ଏଏପି ) ସହ ଜଡିତ ସୂତ୍ରରୁ ପ୍ରକାଶ ଯେ ସିଏମ୍ କେଜ୍ରିୱାଲ ଜଳ ମନ୍ତ୍ରଣାଳୟ ସମ୍ପର୍କରେ ନିର୍ଦ୍ଦେଶ ଦେଇଛନ୍ତି। ଏହି ପ୍ରଶ୍ନ ଅନେକ ଲୋକଙ୍କ ମନରେ ଉଠିଥିଲା ଯେ ଜେଲ ଭିତରୁ ସିଏମ କେଜ୍ରିୱାଲ କେଉଁ ଆଦେଶ ଦେଇଛନ୍ତି। ଏଭଳି ପରିସ୍ଥିତିରେ ଏଏପି ନେତା ତଥା ଦିଲ୍ଲୀ ଜଳ ମନ୍ତ୍ରୀ ଆତିଶି ମାର୍ଲେନା ଏକ ସାମ୍ବାଦିକ ସମ୍ମିଳନୀ କରି ସିଏମ କେଜ୍ରିୱାଲଙ୍କ ଆଦେଶ ପଢ଼ିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆତିଶି ସିଏମ କେଜ୍ରିୱାଲଙ୍କ ଚିଠିପଢ଼ି କହିଛନ୍ତି, ‘ମୁଁ ଜାଣିଲି ଯେ ଦିଲ୍ଲୀର କିଛି ଅଞ୍ଚଳରେ ଜଳ ଓ ସ୍ୱେରେଜ୍ ସମସ୍ୟା ରହିଛି। ମୁଁ ଏ ବିଷୟରେ ଚିନ୍ତିତ। ଯେହେତୁ ମୁଁ ଜେଲରେ ଅଛି, ଏହି କାରଣରୁ ଲୋକମାନେ କୌଣସି ସମସ୍ୟାର ସମ୍ମୁଖୀନ ହେବା ଉଚିତ୍ ନୁହେଁ।
ଆତିଶିଙ୍କ ଅନୁଯାୟୀ ସିଏମ କେଜ୍ରିୱାଲ ତାଙ୍କ ନିର୍ଦ୍ଦେଶରେ କହିଛନ୍ତି, ‘ଗ୍ରୀଷ୍ମ ମଧ୍ୟ ଆସୁଛି। ଯେଉଁଠାରେ ଜଳର ଅଭାବ ଅଛି, ସେଠାରେ ଉପଯୁକ୍ତ ସଂଖ୍ୟକ ଟ୍ୟାଙ୍କର୍ ବ୍ୟବସ୍ଥା କରନ୍ତୁ । ମୁଖ୍ୟ ସଚିବ ଏବଂ ଅନ୍ୟ ଅଧିକାରୀମାନଙ୍କୁ ଉପଯୁକ୍ତ ନିର୍ଦ୍ଦେଶ ଦିଅନ୍ତୁ ଯାହାଦ୍ବାରା ଜନସାଧାରଣ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବେ ନାହିଁ। ଜନସାଧାରଣ ସମସ୍ୟାର ତୁରନ୍ତ ଏବଂ ଉପଯୁକ୍ତ ସମାଧାନ ହେବା ଉଚିତ୍। ଯଦି ଆବଶ୍ୟକ ହୁଏ, ଉପରାଜ୍ୟପାଳଙ୍କ ଠାରୁ ମଧ୍ୟ ସାହାଯ୍ୟ ନିଅନ୍ତୁ । ସେ ନିଶ୍ଚିତ ଭାବରେ ଆପଣଙ୍କୁ ସାହାଯ୍ୟ କରିବେ ।