‘କିସାନ ମହାପାଞ୍ଚାୟତ’ ଆୟୋଜନ ପୂର୍ବରୁ ଜାରି ହେଲା ଟ୍ରାଫିକ୍ ଆଡ୍ଭାଇଜରି
ନୂଆଦିଲ୍ଲୀ: ଗୁରୁବାର ଦିନ ରାମଲିଲା ମୈଦାନରେ କୃଷକମାନେ ଏକାଠି ହେବା କାରଣରୁ ଦିଲ୍ଲୀର ବିଭିନ୍ନ ସ୍ଥାନରେ ଟ୍ରାଫିକ ବ୍ୟବସ୍ଥା ପ୍ରଭାବିତ ହୋଇପାରେ ବୋଲି ଦିଲ୍ଲୀ ପୁଲିସର ଜଣେ ପରାମର୍ଶଦାତା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ରାଲିରେ ୫ ହଜାରରୁ ଅଧିକ ଲୋକ ହେବେ ନାହିଁ କି ଟ୍ରାକ୍ଟର, ଟ୍ରଲି ଆଦି ସାମିଲ୍ ହେବ ନାହିଁ ବୋଲି ସର୍ତ୍ତରେ ଦିଲ୍ଲୀ ପୁଲିସ୍ କୃଷକମାନଙ୍କୁ ସେମାନଙ୍କର ‘କିସାନ ମଜଦୁର ମହାପାଞ୍ଚାୟତ’ ଆୟୋଜନ କରିବାକୁ ଅନୁମତି ଦେଇଛି। ଦିଲ୍ଲୀର ତିନିଟି ସୀମା ସିଂଘୁ, ଟିକ୍ରି ଏବଂ ଗାଜିପୁର ଚାଷୀଙ୍କ ବିରୋଧକୁ ରୋକିବା ପାଇଁ ସାମରିକ କର୍ମଚାରୀ ବି ନିୟୋଜିତ ହୋଇଛନ୍ତି।
ଦୀର୍ଘ ଦିନ ହେବ ଏମସପି ବୃଦ୍ଧି ସାଙ୍ଗକୁ ଅନ୍ୟାନ୍ୟ ଦାବି ନେଇ ଚାଷୀ ସଂଗଠନ ପକ୍ଷରୁ ଆନ୍ଦୋଳନ କରାଯାଉଛି । ଆଜିର କିସାନ ମହାପଞ୍ଚାୟତ ଜରିଆରେ କେନ୍ଦ୍ର ସରକାରଙ୍କ ଉପରେ ଚାପ ପକାଇବାକୁ ଲକ୍ଷ୍ୟ ରଖିଛନ୍ତି ସଂଯୁକ୍ତ କିସାନ ମୋର୍ଚ୍ଚା। ତେବେ କିସାନ ମହାପଞ୍ଚାୟତ ପାଇଁ ଦିଲ୍ଲୀ ପୁଲିସ ପକ୍ଷରୁ ଅନୁମତି ଦିଆଯାଇଥିବା ବେଳେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
ବସ ଏବଂ ଟ୍ରେନ ମାଧ୍ୟମରେ ଆସିବାକୁ ଚାଷୀ ମାନଙ୍କୁ ପରାର୍ମଶ ଦେଇଛି ଦିଲ୍ଲୀ ପୁଲିସ୍। ଗୋଟିଏ ପଟେ ଚାଷୀ ସଂଗଠନର କିସାନ ମହାପଞ୍ଚାୟତ ଏବଂ ଅନ୍ୟପଟେ ପ୍ରଧାନମନ୍ତ୍ରୀଙ୍କ ବହୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ କାରଣରୁ ରାଜଧାନୀ ଦିଲ୍ଲୀରେ ଆଜି ଟ୍ରାଫିକ ସ୍ଥିତି ଜାମ ହେବା ନେଇ ଆଶଙ୍କା ଦେଖାଦେଇଛି।