କପିଳେଶ୍ୱରରୁ ୨୧ ଜଣ ସମେତ ଭୁବନେଶ୍ୱରରୁ ୧୯୦ କରୋନା ପଜିଟିଭ, ଆଜି ସ୍ଥାନୀୟ ସଂକ୍ରମଣ ୫୨ ଜଣ
ଭୁବନେଶ୍ୱରରୁ ଆଜି ସୁସ୍ଥ ହେଲେ ୧୦୩ ଜଣ ଆକ୍ରାନ୍ତ
ଭୁବନେଶ୍ୱର: ସ୍ଥାନୀୟ କପିଳେଶ୍ୱର କଞ୍ଚା ସାହିରୁ ୨୧ ଜଣଙ୍କ ସମେତ ଭୁବନେଶ୍ୱରରୁ ଆଜି ୧୯୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରୁ ୧୩୮ ଜଣ କ୍ୱାରେଣ୍ଟାଇନ୍ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୫୨ ଜଣ ହେଉଛନ୍ତି ସ୍ଥାନୀୟ ସଂକ୍ରମଣ। ଭୁବନେଶ୍ୱର ମହାନଗର ନିଗମ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ବିଏମ୍ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ସଂକ୍ରମଣଙ୍କ ମଧ୍ୟରୁ କପିଳେଶ୍ୱର କଂଚାସାହିରୁ ୨୧ ଜଣ ଆକ୍ରାନ୍ତ ଅଛନ୍ତି। ସେହିଭଳି ବରମୁଣ୍ଡା ବେହେରା ସାହିରୁ ୭ ଜଣ, ବମିଖାଲ ଗାୟତ୍ରୀ ଏନକ୍ଲେଭରୁ ୬ ଜଣ ଓ ୟୁନିଟ-୧ ମାକେର୍ଟ ନିକଟ, ଆଇଆରସି ଭିଲେଜରୁ ୫ ଜଣ ଲେଖାଏଁ, ଲକ୍ଷ୍ମୀସାଗର ଓ ୟୁନିଟ-୩ରୁ ୪ ଜଣ ଲେଖାଏଁ, ସୂର୍ଯ୍ୟନଗର, ନୟାପଲ୍ଲୀ ଏଲଆଇସି ଅଫିସ ଲେନ, ବରମୁଣ୍ଡା, ପଳାଶୁଣୀରୁ ୩ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ଭୁବନେଶ୍ୱରରୁ ଏପର୍ଯ୍ୟନ୍ତ ୩୭୬୩ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିରୁ ୨୩୬୦ ଜଣ ସୁସ୍ଥ ହୋଇଥିବା ବେଳେ ୧୩୮୩ ଜଣ ସକ୍ରିୟ ଆକ୍ରାନ୍ତଙ୍କ ଚିକିତ୍ସା ଜାରି ରହିଛି। କିନ୍ତୁ ୧୮ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି।
ସେହିପରି ବିଡିଏ କଲୋନି, ଗ୍ୟାରେଜ ଛକ, ବଡ଼ଗଡ଼ ବ୍ରିଟ କଲୋନି, ବ୍ରିଟ କଲୋନି ନୂଆ ସାହି,ଡୁମଡୁମା, କଟକ ରୋଡ, ଜାଗମରା, ଝାରପଡ଼ା, ଜୟଦେବ ବିହାର, ନ୍ୟୁ ଫରେଷ୍ଟ ପାର୍କ, ସାଲିଆ ସାହି, ପଟିଆ, ସହିଦ ନଗର, ଶିଶୁପାଳଗଡ଼ରୁ ୨ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ କେନ୍ଦ୍ର ସରକାରଙ୍କ ଏକ ହସ୍ପିଟାଲରୁ ୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
କପିଳେଶ୍ୱର ତଳସାହି, ଷ୍ଟେସନ ଛକ, ବରମୁଣ୍ଡା, ବିଡିଏ କଲୋନିରୁ ୩ ଜଣ ଲେଖାଏଁ ସ୍ଥାନୀୟ ସଂକ୍ରମଣ ଚିହ୍ନଟ ହୋଇଛନ୍ତି। ଲକ୍ଷ୍ମୀସାଗର ଓ ଫରେଷ୍ଟ ପାର୍କରୁ ୨ ଜଣ ଲେଖାଏଁ ସମେତ ୫୨ ଜଣ ସ୍ଥାନୀୟ ସଂକ୍ରମଣ ଯୋଗୁଁ କରୋନା ଆକ୍ରାନ୍ତ ହୋଇଛନ୍ତି।
ଆଜି ଭୁବନେଶ୍ୱରରୁ ମୋଟ ୧୦୩ ଜଣ କରୋନା ଆକ୍ରାନ୍ତ ସୁସ୍ଥ ହୋଇଥିବା ବେଳେ ଏକ ଘରୋଇ ହସ୍ପିଟାଲର ୧୦ ଜଣ କର୍ମଚାରୀ ସୁସ୍ଥ ହୋଇଛନ୍ତି। ସେହିପରି ସହିଦ ନଗର ଓ ବଡ଼ଗଡ଼ରୁ ୭ ଜଣ ଲେଖାଏଁ ସୁସ୍ଥ ହୋଇଛନ୍ତି। ଭୁବନେଶ୍ୱରରେ ବର୍ତ୍ତମାନ ସୁଦ୍ଧା ମୋଟ୍ ୩ ହଜାର ୭୬୩ ପଜିଟିଭ୍ ଚିହ୍ନଟ ହୋଇଥିବାବେଳେ ସକ୍ରିୟ କେସ୍ ୧ ହଜାର ୩୮୩ ରହିଛି । ସେହିଭଳି ୨ ହଜାର ୩୬୦ ଜଣ ସୁସ୍ଥ ହୋଇଥିବାବେଳେ ୧୮ ଜଣଙ୍କର ମୃତ୍ୟୁ ହୋଇଥିବା ପ୍ରଶାସନ ସୂଚନା ଦେଇଛି ।