ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ଶନିବାର ଖେଳା ଯାଇଥିବା ମ୍ୟାଚରେ ଭାରତ ପରାସ୍ତ ହୋଇଛି। ଭାରତ ୨-୩ ଗୋଲରେ ଇଂଲଣ୍ଡ ଠାରୁ ପରାସ୍ତ ହୋଇଛି। ଓଡ଼ିଶା ପୁରୁଷ ହକି ବିଶ୍ୱ ଲିଗର ୬ଷ୍ଠ ମ୍ୟାଚରେ ଭାରତ ପକ୍ଷରୁ ୪୭ମିନିଟରେ ଅକ୍ଷରଦୀପ ସିଂହ(ଜର୍ସି ୨୭) ଓ ୫୦ ମିନିଟରେ ରୂପିନ୍ଦର ପାଲ ସିଂହ(ଜର୍ସି ୩) ଗୋଲ ଦେଇଥିଲେ। ପୂର୍ବରୁ ଇଂଲଣ୍ଡ ପକ୍ଷରୁ ୨୫ ମିନିଟରେ ଡେଭିଡ଼ ଗୁଡ଼ଫିଲ୍ଡ(ଜର୍ସି ୧୯) ଓ ୪୩ ମିନିଟରେ ସାମ ଓ୍ଵାର୍ଡ (ଜସି ୧୩) ଗୋଲ ଦେଇଥିଲେ। ସେହିଭଳି ୫୭ ମିନିଟରେ ସାମ ଓ୍ଵାର୍ଡ ଭାରତ ବିରୋଧରେ ଆଉ ଏକ ଗୋଲ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଟୁର୍ଣ୍ଣାମେଣ୍ଟର ପ୍ରଥମ ଦିନରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ୨ୟ ମ୍ୟାଚ ୧-୧ରେ ଡ୍ର ହୋଇଥିଲା। ଶୁକ୍ରବାର ଭଳି ଶନିବାର ମଧ୍ୟ ଭାରତ-ଇଂଲଣ୍ଡ ମ୍ୟାଚ ରୋମାଞ୍ଚକର ଥିଲା।
ପୁଲ-ଏର ମ୍ୟାଚରେ ଦ୍ୱିତୀୟ ଦିନ ଶନିବାର ବେଲଜିୟମ ୩-୨ରେ ଆର୍ଜେଣ୍ଟିନାକୁ ପରାସ୍ତ କରିଥିବା ବେଳେ ସ୍ପେନ ମଧ୍ୟ ୩-୨ରେ ନେଦରଲାଣ୍ଡକୁ ପରାସ୍ତ କରିଛି। ପୁଲ-ବିର ୩ୟ ମ୍ୟାଚ ଜର୍ମାନୀ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା। ଏହା ୨-୨ ଗୋଲରେ ଶେଷ ହୋଇଥିଲା।