ଭୁବନେଶ୍ବର: ଓଡ଼ିଶାର କବୀର ହଂସ ଖୋର୍ଦ୍ଧାର କେଟି ଗ୍ଲୋବାଲ ସ୍କୁଲ୍ଠାରେ ଉଦ୍ଯାପିତ ହୋଇଯାଇଥିବା ଆଇଟା-ଓଟିଏ ପୁରୁଷ ୧ ଲକ୍ଷ ଟେନିସ୍ ପ୍ରତିଯୋଗିତାରେ ଏକକ ଟ୍ରଫି ଜିତିଛନ୍ତି। ଶୁକ୍ରବାର ଫାଇନାଲ୍ରେ କବୀର ୬-୨ ଓ ୬-୨ ସିଧାସଳଖ ସେଟ୍ରେ ଆସାମର ସେଖ୍ ମହମ୍ମଦ ଇଫ୍ତିକାରଙ୍କୁ ପରାସ୍ତ କରିଥିଲେ। ହେଲେ ଯୁଗଳ ଫାଇନାଲ୍ରେ କବୀର ହାରିଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ନିଜ ରାଜ୍ୟର ପ୍ରତ୍ୟୁଷ ମହାନ୍ତିଙ୍କୁ ସାଥୀ କରି ଖେଳିଥିବା କବୀର ଯୁଗଳ ଫାଇନାଲ୍ରେ ଆସାମ-ଓଡ଼ିଶା ଯୋଡ଼ି ସେଖ୍ ମହମ୍ମଦ ଇଫ୍ତିକାର ଓ ଆଦିତ୍ୟ ଶତପଥୀଙ୍କଠାରୁ ୩-୬ ଓ ୧-୬ ସେଟ୍ରେ ହାରି ଉପବିଜେତାରେ ସନ୍ତୁଷ୍ଟ ରହିଥିଲେ। ଗୋଟିଏ ଲେଖାଏଁ ବିଜେତା ଓ ଉପବିଜେତା ବଳରେ କବୀର ମଧ୍ୟ ଯଥାକ୍ରମେ ୨୦ ଓ ୧୫ ରୢାଙ୍କିଙ୍ଗ୍ ପଏଣ୍ଟ ଅର୍ଜନ କରିଥିଲେ। ଏହି ପ୍ରତିଯୋଗିତାରେ ଓଡ଼ିଶା ସମେତ ଭିନ୍ନ ଭିନ୍ନ ୧୩ ରାଜ୍ୟରୁ ମୋଟ ୫୩ ପ୍ରତିଯୋଗୀ ଅଂଶଗ୍ରହଣ କରିଥିଲେ।