କେନ୍ଦ୍ରାପଡ଼ା: ଭିତରକନିକାର ନୈସ୍ୱର୍ଗିକ ଶୋଭାରାଜିକୁ ଦେଖିବା ପାଇଁ ପ୍ରତିବର୍ଷ ହଜାର ହଜାର ପର୍ଯ୍ୟଟକ ଏଠାକୁ ଆସିଥାନ୍ତି । ହେଲେ ଅନେକ ସମୟରେ ପ୍ରବେଶ ଶୁଳ୍କ ଓ ବୋଟିଂ ଭଡା ବାବଦକୁ ଅଧିକ ବ୍ୟୟ ହେଉଥିବାରୁ ଇଛା ଥିଲେ ବି ପର୍ଯ୍ୟଟକ ଆସି ନଥାନ୍ତି । ଏସବୁକୁ ଦୃଷ୍ଟିରେ ରଖି ଏବଂ ଜାତୀୟ ଉଦ୍ୟାନ ଭିତରକନିକାକୁ ଅଧିକରୁ ଅଧିକ ଛାତ୍ରଛାତ୍ରୀଙ୍କୁ ଆକୃଷ୍ଟ କରିବା ପାଇଁ ବନବିଭାଗ ନିଆରା ପଦକ୍ଷେପ ନେଇଛି । ଏଣିକି ତିନିଟି ଜାତୀୟ ଛୁଟି ଦିବସରେ ଭିତରକନିକାକୁ ଛାତ୍ରଛାତ୍ରୀମାନେ ବିନା ଶୁକ୍ଳରେ ପ୍ରବେଶ କରିପାରିବେ । ଏହା ସହିତ ଛାତ୍ରଛାତ୍ରୀଙ୍କୁ ମାଗଣା ବୋଟିଙ୍ଗର ସେବା ମଧ୍ୟ ଯୋଗାଇଦେବାକୁ ବନ ବିଭାଗ ସ୍ଥିର କରିଛି।
Sambad is now on WhatsApp
Join and get latest news updates delivered to you via WhatsApp
ଗାନ୍ଧି ଜୟନ୍ତୀ, ସାଧାରଣତନ୍ତ୍ର ଦିବସ ଓ ସ୍ୱାଧୀନତା ଦିବସରେ ଭିତରକନିକା ବୁଲିବାକୁ ଗଲେ ଛାତ୍ରଛାତ୍ରୀଙ୍କୁ ପ୍ରବେଶ ଶୁକ୍ଳ ବା ବୋଟିଂ ବାବଦରେ ଭଡା ଦେବାକୁ ପଡିବନି । ମାଗଣାରେ ଛାତ୍ରଛାତ୍ରୀ ବୁଲିବା ପାଇଁ ରାଜନଗର ବନବିଭାଗ ନିଷ୍ପତ୍ତି ନେଇଛି। ବନବିଭାଗର ଏହି ପ୍ରୟାସ ଖାଲି ରାଜନଗର ନୁହେଁ ସମଗ୍ର ଭାରତବର୍ଷର ଛାତ୍ରଛାତ୍ରୀଙ୍କୁ ଭିତରକନିକାକୁ ଆକୃଷ୍ଟ କରିବ ବୋଲି ଆଶା କରାଯାଉଛି ।