ମୁଜାଫରପୁର ସେଲ୍ଟର ହୋମ୍ ସେକ୍ସ ସ୍କାଣ୍ଡାଲ୍ ମାମଲା: ପୂର୍ବତନ ମନ୍ତ୍ରୀ ମଞ୍ଜୁ ବର୍ମାଙ୍କ ନାମରେ ଜାମିନ ବିହୀନ ଗିରଫ ପରଓ୍ଵାନା ଜାରି
ନୂଆଦିଲ୍ଲୀ: ମୁଜାଫରପୁର ସେଲ୍ଟର ହୋମ୍ ସେକ୍ସ ସ୍କାଣ୍ଡାଲ୍ ମାମଲାରେ ପଦ ଛାଡ଼ିଥିବା ବିହାରର ପୂର୍ବତନ ମନ୍ତ୍ରୀ ମଞ୍ଜୁ ବର୍ମାଙ୍କ ପତ୍ତା ମିଳୁନାହିଁ ବୋଲି ସୁପ୍ରିମକୋର୍ଟଙ୍କୁ ବିହାର ସରକାର କହିବା ପରେ ଆଜି ତାଙ୍କ ନାମରେ ଜାମିନ ବିହୀନ ଗିରଫ ପରଓ୍ଵାନା ଜାରି କରାଯାଇଛି । ବିହାରର ମଂଝାଉଲ୍ ସବ-ଡିଭିଜନାଲ୍ କୋର୍ଟ ଏହି ଜାମିନ ବିହୀନ ପରଓ୍ଵାନା ଜାରି କରିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଜେଡିୟୁ ନେତ୍ରୀ ମଞ୍ଜୁ ବର୍ମା ବିହାରର ସମାଜ ମଙ୍ଗଳ ବିଭାଗ ମନ୍ତ୍ରୀ ଥିବା ବେଳେ ମୁଜାଫରପୁରରେ ଥିବା ଏକ ସେଲଟର ହୋମ୍ରେ ବହୁ ମହିଳାଙ୍କୁ ବର୍ଷ ବର୍ଷ ଧରି ଦୁଷ୍କର୍ମ କରାଯାଇଥିଲା। ଏହି ସେଲଟର ହୋମ୍ର ପରିଚାଳକ ବ୍ରଜେଶ ଠାକୁର ସହ ମନ୍ତ୍ରୀଙ୍କ ପତିଙ୍କର ସଂପର୍କ ଥିବା କଥା ଜଣାପଡ଼ିବା ପରେ ସେ ଘଟଣାର ଅନୁସନ୍ଧାନ କରୁଥିବା ସିବିଆଇ ନଜରକୁ ଆସିଥିଲେ।
ଗତ ଅଗଷ୍ଟରେ ସିବିଆଇ ତାଙ୍କ ଘର ଓ ଫାର୍ମହାଉସରେ ଚଢାଉ କରାଯିବା ବେଳେ ୫୦ରୁ ଅଧିକ କାଟ୍ରିଜ୍ ଜବତ ହୋଇଥିଲା। ଏହା ପରେ ଆର୍ମସ୍ ଆକ୍ଟରେ ତାଙ୍କ ବିରୋଧରେ ମାମଲା ରୁଜୁ ହୋଇଥିଲା।
ଅକ୍ଟୋବର ୫ ତାରିଖରେ ପୂର୍ବତନ ମନ୍ତ୍ରୀ ମଞ୍ଜୁ ବର୍ମାଙ୍କ ଆଗୁଆ ଜାମିନ ଆବେଦନକୁ ଖାରଜ କରିଦେଇଥିଲେ ପାଟନା ହାଇକୋର୍ଟ।