ଭୁବନେଶ୍ୱର : ଆସନ୍ତା ବର୍ଷ ପୁଣି ଏକ ଚନ୍ଦ୍ରଯାନ ପଠାଇବାକୁ ବିଚାର କରୁଛି ଇସ୍ରୋ । ଏହା ମଧ୍ୟ ଏକ ମାନବବିହୀନ ଅଭିଯାନ ହେବ ବୋଲି ଇସ୍ରୋ ଅଧ୍ୟକ୍ଷ କେ.ଶିବନ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଇଆଇଟି ଭୁବନେଶ୍ୱରର ସମାବର୍ତ୍ତନ ସମାରୋହରେ ଯୋଗଦେବା ଅବସରରେ ସେ ସାମ୍ବାଦିକମାନଙ୍କୁ କହିଛନ୍ତି ଯେ ବିକ୍ରମ ଲାଣ୍ଡର ସହ ଏପର୍ଯ୍ୟନ୍ତ ଯୋଗାଯୋଗ ହୋଇପାରିନାହିଁ । ତେବେ ଚନ୍ଦ୍ର ଚାରିପଟେ ବୁଲୁଥିବା ଅରବିଟର ଠିକ ଭାବେ କାମ କରୁଛି ବୋଲି ସେ କହିଛନ୍ତି ।
ଆସନ୍ତା ବର୍ଷ ଅର୍ଥାତ ୨୦୨୦ ରେ ଆଉ ଏକ ଚନ୍ଦ୍ରଯାନ ପଠାଯିବାକୁ ବିଚାର କରାଯାଉଛି । କିନ୍ତୁ ଏ ସଂପର୍କରେ ଏପର୍ଯ୍ୟନ୍ତ କୌଣସି ଚୂଡାନ୍ତ ନିଷ୍ପତ୍ତି ନିଆଯାଇନାହିଁ ବୋଲି ଶିବନ କହିଛନ୍ତି। ଚନ୍ଦ୍ରଯାନ-୨ରେ କେଉଁ କାରଣରୁ ସମସ୍ୟା ଦେଖାଗଲା ତାହାର ସମୀକ୍ଷା କରି ଆଗାମୀ ମିଶନରେ ତାହାକୁ ସୁଧାରିବାକୁ ଉଦ୍ୟମ କରାଯିବ । ଏହା ସହିତ ଆସନ୍ତା ବର୍ଷ ଗଗନଯାନ ମିଶନର କେତେକ ଗୁରୁତ୍ୱପୂର୍ଣ୍ଣ କାର୍ଯ୍ୟ ଆରମ୍ଭ ହେବ ।
ସେ ଆହୁରି ମଧ୍ୟ କହିଛନ୍ତି ଯେ ୨୦୨୧ଜୁଲାଇ ସୁଦ୍ଧା ୨ୟ ମାନବବିହୀନ କିନ୍ତୁ ମାନବ ଅନୁକୂଳ ମହାକାଶ ଯାନ ପଠାଯିବ । ୨୦୨୧ ଡିସେମ୍ବର ସୁଦ୍ଧା ଭାରତ ନିଜ ରକେଟ ସାହାଯ୍ୟରେ ମହାକାଶକୁ ମଣିଷ ପଠାଇବ ।