ଭୋପାଳ : ମଧ୍ୟପ୍ରଦେଶର ବୈତୁଲର ମାଣ୍ଡଭି ଗ୍ରାମରେ ଏକ ବୋରୱେଲରେ ପଡ଼ିଥିବା ଜଣେ ୬ ବର୍ଷର ବାଳକକୁ ଉଦ୍ଧାର କାର୍ଯ୍ୟ ଏବେ ବି ଜାରି ରହିଛି । ଶିଶୁ ପାଇଁ ପାଇପ ମାଧ୍ୟମରେ ଅମ୍ଳଜାନ ପଠାଯାଉଛି । ତେବେ ଶିଶୁର କଥାବାର୍ତ୍ତା ଶୁଣାଯାଉନଥିବାରୁ ଉଦ୍ଧାରକାରୀଙ୍କ ଚିନ୍ତା ବଢିଯାଇଛି । ଏହା ସତ୍ତ୍ବେ ଶିଶୁକୁ ସୁରକ୍ଷିତ ଉଦ୍ଧାର ଲାଗି ସେମାନେ ଆଶାବାଦୀ ଅଛନ୍ତି । ନିଜେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ସ୍ଥିତି ଉପରେ ନଜର ରଖିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଉଦ୍ଧାରକାରୀ ଦଳ ଅପରାହ୍ନ ୩ଟା ସୁଦ୍ଧା ପଥର ଭାଙ୍ଗି ବୋରୱେଲ ନିକଟରେ ଏକ ୪୫ ଫୁଟ ଗଭୀର ଗାତ ଖୋଳିଛନ୍ତି। ଏଥିରୁ ପାଣି ବାହାରିବା ଆରମ୍ଭ ହୋଇଛି, ଯାହା ଏକ ମୋଟର ସ୍ଥାପନ କରି ବାହାରକୁ ନିଆଯାଉଛି । ବର୍ତ୍ତମାନ ଗାତକୁ ୫ ଫୁଟ ଗଭୀର କରାଯିବ, ତା’ପରେ ଶିଶୁପାଖରେ ପହଞ୍ଚିବା ପାଇଁ ୭ ରୁ ୮ ଫୁଟ ଲମ୍ବା ଟନେଲ ତିଆରି କରିବାର କାର୍ଯ୍ୟ ଆରମ୍ଭ ହେବ । ଏନଡିଆରଏଫ ଦଳ ଉଦ୍ଧାର କାର୍ଯ୍ୟ କରୁଛନ୍ତି । ସୁଡ଼ଙ୍ଗ ନିର୍ମାଣ ଉପରେ ବିସ୍ଫୋରଣ ବିଶେଷଜ୍ଞଙ୍କ ସହ ଆଲୋଚନା କରାଯାଉଛି ।
ନିଜେ ସମଗ୍ର ବିଷୟ ଉପରେ ନଜର ରଖିଥିବା ମୁଖ୍ୟମନ୍ତ୍ରୀ ଶିବରାଜ କହିଛନ୍ତି ଯେ ପ୍ରଶାସନକୁ ସମସ୍ତ ଆବଶ୍ୟକ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି । ଅଧିକାରୀମାନେ ମୁଖ୍ୟମନ୍ତ୍ରୀଙ୍କୁ ଜଣାଇଛନ୍ତି ଯେ ଏନଡିଆରଏଫ-ଏସଡିଇଆରଏଫ ଦଳ କ୍ରମାଗତ ଭାବେ କାର୍ଯ୍ୟ କରୁଛି।