ଆଜିଠାରୁ ମାଇଁଜିଓ ଆପ୍ରେ ଉପଲବ୍ଧ ହେଲା ଜିଓ ସାର୍ଥୀ, ସହଜରେ କରି ପାରିବେ ରିଚାର୍ଜ
ନୂଆଦିଲ୍ଲୀ : ରିଲାଏନ୍ସ ଜିଓ ଏବେ ଜିଓ ସାର୍ଥୀ ନାମକ ଏକ ନୂଆ ଡିଜିଟାଲ ଆସିଷ୍ଟାନ୍ସ ଲଞ୍ଚ କରିଛି । ଯାହାର ସୁବିଧା ଆଜିଠାରୁ ମାଇଁଜିଓ ଆପ୍ରେ ଲୋକେ ଉଠାଇ ପାରିବେ । ଏହା ସାହାଯ୍ୟରେ ଗ୍ରାହକମାନେ ସହଜରେ ରିଚାର୍ଜ କରି ପାରିବା ସହ ଏହା ସ୍ୱର ଆଧାରିତ ଆସିଷ୍ଟାଣ୍ଟ ସେବା ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
କିଛି ଲୋକଙ୍କୁ ମାଇଁଜିଓ ଆପ୍ ଜରିଆରେ ରିଚାର୍ଜ କରିବାକୁ ଅସୁବିଧା ହେଉଥିବାରୁ, ତାହାର ସମାଧାନ ପାଇଁ ଜିଓ ସାର୍ଥୀକୁ ଲଞ୍ଚ କରାଯାଇଛି । ଜିଓ ସାର୍ଥୀ ଆସିବା ପରେ ଅଧିକରୁ ଅଧିକ ବ୍ୟବହାରକାରୀ ଡିଜିଟାଲ ରିଚାର୍ଜ କରିବା ଆରମ୍ଭ କରିବେ ବୋଲି କମ୍ପାନୀ ଆଶା କରିଛି । ଜିଓ ସାର୍ଥୀ ବ୍ୟବହାରକାରୀଙ୍କୁ ରିଚାର୍ଜ କରିବା ସମୟରେ ଗାଇଡ୍ କରିବ । ଏହା ବ୍ୟବହାରକାରୀଙ୍କୁ ସଂପୂର୍ଣ୍ଣ ରିଚାର୍ଜ ପ୍ରକ୍ରିୟା ବିଷୟରେ ଗୋଟେ ପରେ ଗୋଟେ ଜଣାଇବ । ଆପଣଙ୍କ କାର୍ଡ ନମ୍ବର କେଉଁଠି ଏବଂ ଏହାକୁ କେଉଁଠି ଏଣ୍ଟର କରିବାର ଅଛି ସେ ବିଷୟରେ ମଧ୍ୟ ଜଣାଇବ । ଏବେ ଏହାକୁ ହିନ୍ଦୀ ଓ ଇଂରାଜୀ ଭାଷାରେ ଉପଲବ୍ଧ କରାଯାଇଥିବା ବେଳେ ପରେ ଏହାକୁ ୧୨ଟି ଅଞ୍ଚଳିକ ଭାଷାରେ ଉପଲବ୍ଧ କରାଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ତେବେ ଜିଓ ସାର୍ଥୀର ଲାଭ ଉଠାଇବା ପାଇଁ ଆପଣଙ୍କୁ ମାଇଁଜିଓ ଆପ୍ ଅପ୍ଡେଟ୍ କରିବାକୁ ହେବ । ଏହା ପରେ ଆପ୍ ଖୋଲି ରିଚାର୍ଜ ବିକଳ୍ପ ଖୋଲିବା ସହ ଜିଓ ସାର୍ଥୀ ଆସିଷ୍ଟାଣ୍ଟ ଉପରେ କ୍ଲିକ୍ କରିବାକୁ ହେବ । ଏହା ପରେ ଜିଓ ସାର୍ଥୀ ଆସିଷ୍ଟାଣ୍ଟ ଆପଣଙ୍କୁ ଗାଇଡ୍ କରିବା ଆରମ୍ଭ କରିବ ।