ଦେବଗଡ: ସାଧାରଣତ ଝିଅମାନେ ବିଭିନ୍ନ ସମୟ ଓ ପରିସ୍ଥିତିରେ ହିଂସାର ଶିକାର ହୋଇଥାନ୍ତି । ଝିଅମାନଙ୍କ ପ୍ରତି କେତେବେଳେ ଅଶ୍ଳୀଳ କମେଣ୍ଟ ତ ପୁଣି କେତେବେଳେ ଯୌନଉତ୍ପୀଡନ ତ ପୁଣି କେତେବେଳେ ଏସିଡ ଆକ୍ରମଣର ଭୟ ଉଭୟ ଝିଅ ଓ ସେମାନଙ୍କ ଅଭିଭାବକଙ୍କୁ ବିବ୍ରତ କରେ । ୧୪ ରୁ ୧୯ ବର୍ଷର ଝିଅମାନଙ୍କ ସୁରକ୍ଷା ପାଇଁ ଜିଲ୍ଲାପାଳ ସୋମେଷ ଉପଧ୍ୟାୟଙ୍କ ନିର୍ଦେଶ କ୍ରମେ ଜିଲ୍ଲା ଶିଶୁ ସୁରକ୍ଷା ବିଭାଗ ପକ୍ଷରୁ ସ୍ଥାନୀୟ ଇନଡୋର ସ୍ଟେଡିୟମଠାରେ ଏକ ୧୫ ଦିନିଆ ମ।ରସ।ଲ ଆର୍ଟ ଓ ଆତ୍ମା ସୁରକ୍ଷା ତାଲିମ ଶିବିରକୁ ଅନୁଷ୍ଟ।ନିକ ଭାବେ ଜିଲ୍ଲାପାଳ ଉପ।ଧ୍ୟାୟ ଉଦଘଟନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ରଙ୍କ ପ୍ରତ୍ଯକ୍ଷ ତତ୍ବାବଧାନରେ ଆୟୋଜିତ ହୋଇଥିବା ଏହି ଶିବିରର ଉଦ୍ଘାଟନୀ ସଭାରେ ଜିଲ୍ଲାପରିଷଦ ଅଧକ୍ଷ୍ୟ କୌଶିକ ପ୍ରଧାନ , ପୌରପରିଷଦର ଅଧ୍ୟକ୍ଷା ଶାନ୍ତି ମଞ୍ଜରି ଦେଇ , ଉପଜିଲ୍ଲାପାଳ ବ୍ରଜବନ୍ଧୁ ଭୋଇ , ଅତିରିକ୍ତ ଜିଲ୍ଲାପାଳ ରେବିକ। ବିଲୁଙ୍ଗ , ଡିଏଫଓ ମଗର ଧନଜୀ ରାଓସୋ , ଜିଲ୍ଲା ସମାଜ କଲ୍ୟାଣ ଅଧିକାରୀ ନରହରି ସିଂ , ଜିଲ୍ଲା ମଙ୍ଗଳ ଅଧିକାରୀ ଡୋମନିକ ତପୋ , ଜିଲ୍ଲା କ୍ରିଡା ଅଧିକାରୀ କୈବଲ୍ୟ କର , ନିଜାରତ ଅଧିକାରୀ ସୁଶାନ୍ତ ନାୟକ ପ୍ରମୁଖ ସ୍ଵତନ୍ତ୍ର ଅତିଥି ଭାବେ ଯୋଗ ଦେଇ ବାଳିକାମାନଙ୍କୁ ଉତ୍ସାହିତ କରିଥିଲେ ।
ଏହି ଶିବିରରେ ଜାତୀୟସ୍ତରର କୋଚ ନିତେଇ ଶଙ୍କର ଗୁଇନ , ନର୍ମଦା ଗୁଇନ , ମୁକେଶ ନାୟକ , ଖୁସି ମୁଣ୍ଡ। , ଲିଙ୍ଗରାଜ ପାତ୍ର , ଓ ଅନିଲ ବ।ରଲା ତାଲିମଦ।ତ। ଭାବେ ଯୋଗ ଦେଇଛନ୍ତି । ଏହି ତାଲିମ ଶିବିରକୁ କ୍ରୀଡାବିତ କିଶୋର ରାୟ , ଡିଲେଶ୍ଵର ପ୍ରଧାନ , କିଶୋର ବେହେରା , ଧୀରେନ୍ଦ୍ର ନ।ୟକ , ସୁଧୀର ଦାସ , ପ୍ରଦୀପ ବେହେରା , ଆନନ୍ଦା ବେହେରା , ମୁକୁନ୍ଦ ବେହେରା , ପ୍ରଦୀପ ଛତଋଆ ତଥା ବିଭାଗୀୟ ଅଧିକାରୀ ଚିନ୍ମୟ ସ୍ଵାଇଁ , ଇଉନିସେଫ ଜିଲ୍ଲା ପରାମର୍ଶଦାତା ପୀତବାସବେହେରା ପ୍ରମୁଖ ପରିଚାଳନା କରିଥିଲେ । ବିଭିନ୍ନ ଶିକ୍ଷାନୁଷ୍ଠାନରୁ ପ୍ରାୟ ୩୦୦ରୁ ଅଧିକ ଝିଅ ଅଂଶଗ୍ରହଣ କରିଥିଲେ । ୧୩ ତାରିଖରୁ ଆରମ୍ଭ ହୋଇଥିବା ଏହି ତାଲିମ ଶିବିର ଆସନ୍ତା ୨୭ ତାରିଖ ପର୍ଯ୍ୟନ୍ତ ପ୍ରତ୍ଯେକ ଦିନ ସକଳ ୬ଟା ରୁ ୮ଟା ପର୍ଯ୍ୟନ୍ତ ଚାଲିବ ବୋଲି ଜିଲ୍ଲା ଶିଶୁ ସୁରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ।