କୋଟିଆ ଗସ୍ତରେ ସାଂସଦ ସପ୍ତଗିରି, କଲେ ସମୀକ୍ଷା
କୋରାପୁଟ : ବିବାଦୀୟ କୋଟିଆ ଗ୍ରାମପୁଞ୍ଜ ବୁଲି ଦେଖିଛନ୍ତି କୋରାପୁଟ ସାଂସଦ ସପ୍ତଗିରି ଉଲ୍ଲାକା । କୋଟିଆକୁ ପୋଷ୍ୟ ଗ୍ରାମ ଭାବେ ଗ୍ରହଣ କରିବା ପରେ ଆଜି ଦ୍ବିତୀୟ ଥର ପାଇଁ ଗସ୍ତକରି ସ୍ଥାନୀୟ ଲୋକଙ୍କ ସହ ଆଲୋଚନା କରିଛନ୍ତି । ଆଜି ସାଂସଦ କୋଟିଆ ପଂଚାୟତର ତଳ ଗଞ୍ଜେଇପଦର, ଫାଟୁସେନେରୀ, ପାଗୁଣ ସେନେରୀ, ମାଡକାର, ଜାନିଗୁଡା, କୋଟିଆ ଓ କରଞ୍ଜଗୁଡା ଗ୍ରାମକୁ ଯାଇ ଲୋକଙ୍କ ସହ ଆଲୋଚନା କରି ଅଞ୍ଚଳର ସମସ୍ୟା ବିଷୟରେ ବୁଝିଥିଲେ । କିପରି ପ୍ରଶାସନର ଅପହଞ୍ଚ ଯୋଗୁଁ ଏହାକୁ ଆନ୍ଧ୍ର ଟାଣି ଦେବାକୁ ଯାଉଛି ତାହା ଜାଣିବାକୁ ପାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏନେଇ ସାଂସଦ କହିଛନ୍ତି ଯେ ଆଜି ଏନେଇ ବହୁ ଗାଁରେ ଆଲୋଚନ କରି ଜାଣିବାକୁ ପାଇଲି ଯେ ପ୍ରଶାସନ ଏହି ଲୋକଙ୍କ ନିକଟରର ହେଉନି । ସବୁ କ୍ଷେତ୍ରରେ ସେମାନେ ଆନ୍ଧ୍ର ଉପରେ ନିର୍ଭର କରୁଛନ୍ତି । ସରକାରଙ୍କ ବିଭିନ୍ନ ସେବା ଯୋଗାଇ ନ ଯିବାରୁ ସେମାନେ ଆନ୍ଧ୍ର ମୁହାଁ ହେଉଛନ୍ତି । ଯଦି ପ୍ରଶାସନ ସେମାନଙ୍କୁ ସବୁ ସୁବିଧା ଯୋଗାଇ ଦେବ ତେବେ କୌଣସି ସମସ୍ୟା ହେବ ନାହିଁ । ସ୍ବାଧୀନତା ପରେ ଏହି ଅଞ୍ଚଳରେ ଖାଲି ଯେ ତ୍ରିସ୍ତରୀୟ ନିର୍ବାଚନ ହୋଇଛି ତାହା ନୁହେଁ ଉଭୟ ବିଧାନସଭା ଓ ଲୋକସଭା ନିର୍ବାଚନ ହୋଇଛି । ଏହି ଅଞ୍ଚଳରେ ଓଡ଼ିଶା ପକ୍ଷରୁ ପ୍ରାର୍ଥୀ ହୋଇଥିବା ନେତାଏ ଜିତିଛନ୍ତି । ଆନ୍ଧ୍ର କେବେ ଏହିଠାରେ ନିର୍ବାଚନ କରିନି, କେବଳ ମନୋନୀତ କରିଥିଲା । ଏହି ମାମଲା ଏବେ ସୁପ୍ରିମକୋର୍ଟରେ ବିଚାରଧୀନ ରହିଛି, ସୁପ୍ରିମକୋର୍ଟ ନିର୍ଦ୍ଦେଶ ପରେ ଏହା ଉପରେ ଆଲୋଚନା ହେବ। ପୂର୍ବତନ ବିଧାୟକ ରାମ ଚନ୍ଦ୍ର କାଡାମ, ନିମାଇଁ ସରକାର, ରୂପକ ତୁରୁକ ଓ ଅର୍ଜୁନ ବଙ୍କା ଶୁକ୍ରା ଖରାଙ୍କ ସହ ବହୁ କର୍ମକର୍ତ୍ତା ଉପସ୍ଥିତ ଥିଲେ।