୧୪ ଜଣଙ୍କ ମଧ୍ୟରୁ ୧୩ ଜଣଙ୍କର ମୃତ୍ୟୁ, ଚିହ୍ନଟ ପାଇଁ ହେବ ଡିଏନଏ ଟେଷ୍ଟ: ସୂତ୍ର
ବାୟୁସେନାର ହେଲିକପ୍ଟର ଦୁର୍ଘଟଣାବେଳେ କ'ଣ ଦେଖିଲେ ସ୍ଥାନୀୟ ଲୋକ, ଜାଣନ୍ତୁ
ଚେନ୍ନାଇ: ତାମିଲନାଡୁ କୁନ୍ନୁରଠାରେ ଦୁର୍ଘଟଣାର ଶିକାର ହୋଇଥିବା ବାୟୁସେନାର ହେଲିକପ୍ଟରକୁ ନେଇ ନୂଆ ତଥ୍ୟ ସାମ୍ନାକୁ ଆସିଛି | ସୂତ୍ରରୁ ମିଳିଥିବା ତାଜା ସୂଚନା ମୁତାବକ ହେଲିକପ୍ଟରରେ ଯାଉଥିବା ୧୪ ଜଣଙ୍କ ମଧ୍ୟରୁ ୧୩ ଜଣଙ୍କର ମୃତ୍ୟୁ ହୋଇଯାଇଛି | ତେବେ ମୃତଦେହ ଏଭଳି ଜଳିଯାଇଛି ଯେ ଚିହ୍ନଟ ପାଇଁ ଡିଏନଏ ଟେଷ୍ଟ କରାଯିବ | ଏହି ହେଲିକପ୍ଟରରେ ସିଡିଏସ ବିପିନ ରାୱତ ଓ ତାଙ୍କ ପରିବାର ଲୋକଙ୍କ ସହ ମୋଟ ୧୪ ଜଣ ଲୋକ ଥିଲେ । କୁହାଯାଉଛି କି ଘନ କୁହୁଡି କାରଣରୁ ଏଭଳି ଦୁର୍ଘଟଣା ଘଟିଛି । ଏପର୍ଯ୍ୟନ୍ତ ଏହି ଦୁର୍ଘଟଣାରେ ୧୩ ଜଣ ଲୋକ ପ୍ରାଣ ହରାଇଥିବା କୁହାଯାଉଛି । ଦୁର୍ଘଟଣାସ୍ଥଳରେ ସ୍ଥାନୀୟ ପୁଲିସ ଅଧିକାରୀ ଓ ସେନା ଅଧିକାରୀମାନେ ପହଞ୍ଚିଛନ୍ତି ।
Sambad is now on WhatsApp
Join and get latest news updates delivered to you via WhatsApp
13 of the 14 personnel involved in the military chopper crash in Tamil Nadu have been confirmed dead. Identities of the bodies to be confirmed through DNA testing: Sources
— ANI (@ANI) December 8, 2021
ଏହି କ୍ରମରେ ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ହେଲିକପ୍ଟରଟି ମାଟିରେ ପଡିବା ଆଗରୁ ୨-୩ ଜଣ ଯାତ୍ରୀ ହେଲିକପ୍ଟରରୁ ତଳକୁ ଡେଇଁ ପଡିଥିଲେ । ଏହାପରେ ଜୋରରେ ଏକ ଶବ୍ଦ ହୋଇଥିଲା । ଅନ୍ୟ ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ହେଲିକପ୍ଟରରେ ନିଆଁ ଲାଗିବା ପରେ ଏହା ଖସିପଡିଥିଲା | ଏହାପରେ ସ୍ଥାନୀୟ ଲୋକମାନେ ଏକତ୍ରିତ ହୋଇ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ ଉଦ୍ଧାର ହୋଇଥିବା ସମସ୍ତ ଲୋକଙ୍କ ଶରୀର ୮୦ ପ୍ରତିଶତ ପୋଡି ଯାଇଛି ।
ଅନ୍ୟପଟେ ହେଲିକପ୍ଟରରେ ଥିବା ସିଡିଏସ ବିପିନ ରାୱତଙ୍କ ବାବଦରେ କୌଣସି ସ୍ପଷ୍ଟ ଖବର ମିଳିପାରି ନାହିଁ । ଭାରତୀୟ ବାୟୁସେନାର ବୟାନ ମୁତାବକ ଏହି ଘଟଣାର କୋର୍ଟ ଅଫ୍ ଇନକ୍ୱାରୀ ହେବ ।