ଏହି କୋଭିଡ -୧୯ ଟିକାକୁ ବିଶ୍ୱବ୍ୟାପୀ ପ୍ରତ୍ୟାହାର ଘୋଷଣା କଲା ଔଷଧ କମ୍ପାନି ଆଷ୍ଟ୍ରାଜେନେକା
ମୁମ୍ବାଇ: ଔଷଧ କମ୍ପାନି ଆଷ୍ଟ୍ରାଜେନେକା ଏହାର କୋଭିଡ -୧୯ ଟିକା, ଭାକ୍ସେଭେରିଆକୁ ବିଶ୍ୱବ୍ୟାପୀ ପ୍ରତ୍ୟାହାର କରିବାକୁ ଘୋଷଣା କରିଛି। କମ୍ପାନ ସ୍ବେଚ୍ଛାକୃତ ଭାବରେ ୟୁରୋପୀୟ ୟୁନିଅନ୍ ମଧ୍ୟରେ ଥିବା ଟିକା ପାଇଁ “ମାର୍କେଟିଂ ପ୍ରାଧିକରଣ” ପ୍ରତ୍ୟାହାର କରିନେଇଛି ଏବଂ ଟିକା ଅନୁମୋଦନ ହୋଇଥିବା ଅନ୍ୟ ଦେଶରେ ମଧ୍ୟ ସମାନ ଆବେଦନ କରାଯିବ ବୋଲି ଆଶା କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ଅକ୍ସଫୋର୍ଡ ବିଶ୍ୱବିଦ୍ୟାଳୟର ସହଯୋଗରେ ବିକଶିତ ହୋଇଥିବା ଏହି ଟିକାରେ, ଥ୍ରୋମ୍ବୋସାଇଟୋପେନିଆ ସିଣ୍ଡ୍ରୋମ (ଟିଟିଏସ) ସମେତ ମାରାତ୍ମକ ତଥା ଗୁରୁତର ପାର୍ଶ୍ବ ପ୍ରତିକ୍ରିୟା ଅଭିଯୋଗ ହେବା ପରେ ଆଷ୍ଟ୍ରାଜେନେକା ସମ୍ମୁଖୀନ ହୋଇଥିବା ଆଇନଗତ ଯୁଦ୍ଧ ମଧ୍ୟରେ ଏହି ନିଷ୍ପତ୍ତି ନିଆଯାଇଛି।
ଅବଶ୍ୟ କମ୍ପାନି ଏନେଇ ଭିନ୍ନ ପ୍ରତିକ୍ରିୟା ରଖିଛି। କମ୍ପାନି କହିଛି ଯେ ଏହି ଟିକା ପ୍ରତ୍ୟାହାର କୋର୍ଟ ମାମଲା କିମ୍ବା ଏହାର ଟିଟିଏସ୍ ପାର୍ଶ୍ୱ ପ୍ରତିକ୍ରିୟା ସହିତ ଜଡିତ ନୁହେଁ, ବରଂ ବାଣିଜ୍ୟିକ କାରଣ ଏବଂ ଚାହିଦା ହ୍ରାସ ହେତୁ ହୋଇଛି।
ଏହା ପରେ ଏକାଧିକ, ଭାରିଆଣ୍ଟ କୋଭିଡ -୧୯ ଟିକା ବିକଶିତ ହୋଇସାରିଛି। ଫଳରେ ଭାକ୍ସେଭ୍ରିଆର ଚାହିଦା ହ୍ରାସ ହୋଇଛି। ସେଥିପାଇଁ ଆଉ ଉତ୍ପାଦନ କିମ୍ବା ଯୋଗାଣ ହେଉନାହିଁ।
ଏହି ଟିକାରୁ ଭାରତରେ ସେରମ୍ ଇନ୍ଷ୍ଟିଟ୍ୟୁଟ୍ ନିର୍ମାଣ କରିବା ସହ ବିକ୍ରି କରୁଥିଲା। ଆପଣ ଜାଣନ୍ତି ଯେ ଏହାକୁ ଛାଡ଼ିଲେ ଆଷ୍ଟ୍ରେଜେନକାର କୋଭିସିଲ୍ଡ ଟିକାକୁ ନେଇ ବିବାଦ ଆରମ୍ଭ ହୋଇଛି। ଏହି ଟିକାର ଅନେକ ପାର୍ଶ୍ବ ପ୍ରତିକ୍ରିୟା ରହିଛି ବୋଲି ଆଷ୍ଟ୍ରେଜେନେକା ନିଜେ ସ୍ବୀକାର କରିଛି।