ନୂଆଦିଲ୍ଲୀ : କ୍ୱାରାଣ୍ଟାଇନରେ ଥିବା ତବଲିଗି ଜମାତର ପ୍ରାୟ ୪୦୦୦ ସଦସ୍ୟଙ୍କୁ ଖୁବଶୀଘ୍ର ଛାଡ଼ିଦିଆଯିବ । ସରକାରୀ ଗାଇଡଲାଇନ ଅନୁସାରେ ସେମାନେ ନିଜର କ୍ୱାରାଣ୍ଟାଇନ ସମୟ ପୂରଣ କରିଥିବାରୁ ସେମାନଙ୍କୁ ଛାଡ଼ିଦେବା ପାଇଁ ଦିଲ୍ଲୀ ସରକାର ନିଷ୍ପତ୍ତି ନେଇଛନ୍ତି । କିନ୍ତୁ ସମସ୍ତଙ୍କୁ ଛଡାଯିବ ନାହିଁ । ଯେଉଁମାନଙ୍କ ନାଁରେ ପୁଲିସ ମାମଲା ରୁଜ୍ଜୁ କରିଛି ସେମାନଙ୍କୁ ପୁଲିସ ହାତରେ ଦିଆଯିବ । ଅନ୍ୟମାନଙ୍କୁ ଘରକୁ ଫେରିବାକୁ ସୁଯୋଗ ଦିଆଯିବ । ଏ ସଂପର୍କରେ ଦିଲ୍ଲୀ ଗୃହମନ୍ତ୍ରୀ ସତ୍ୟେନ୍ଦ୍ର ନାଥ ଜୈନ ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ମାର୍ଚ୍ଚ ଶେଷ ସପ୍ତାହରେ ଦିଲ୍ଲୀର ନିଜାମୁଦ୍ଦିନ ଅଞ୍ଚଳରେ ହୋଇଥିବା ତବଲିଗି ଜମାତ ଧାର୍ମିକ ସମାବେଶରେ ଭାରତର ବିଭିନ୍ନ ରାଜ୍ୟ ଓ ବିଦେଶରୁ ଲୋକମାନେ ଯୋଗ ଦେଇଥିଲେ । ଏହି ସମ୍ମିଳନୀ ରେ ଯୋଗଦେଇଥିବା ଲୋକମାନେ କରୋନା ସଂକ୍ରମିତ ଥିବା ଜଣାପଡ଼ିବା ପରେ ପ୍ରାୟ ୧୮ ହଜାର ଲୋକଙ୍କୁ କ୍ୱାରାଣ୍ଟାଇନରେ ରଖାଯାଇଥିଲା । ଏହା ମଧ୍ୟରୁ ଦିଲ୍ଲୀରେ ପ୍ରାୟ୪ ହଜାର ଲୋକଙ୍କୁ କ୍ୱାରାଣ୍ଟାଇନରେ ରଖାଯାଇଥିଲା ।
କରୋନା ସଂପର୍କିତ କଟକଣା ସତ୍ତ୍ବେ ବିନା ସରକାରୀ ଅନୁମତିରେ ଏହି ସମ୍ମିଳନୀ ହୋଇଥିବାରୁ ଦିଲ୍ଲୀର କ୍ରାଇମବ୍ରାଞ୍ଚ ପକ୍ଷରୁ ତବଲିଗି ଜମାତର ମୁଖ୍ୟ ମୌଲାନା ମହମ୍ମଦ ସାଦ ଖଣ୍ଡାଲବୀଙ୍କ ନାମାରେ ମାମଲା ରୁଜ୍ଜୁ କରାଯାଇଛି ।