ନୂଆଦିଲ୍ଲୀ: ଦେଶରେ ବୁଲେଟ ଟ୍ରେନ କେବେ ଚାଲିବ ତାହାକୁ ନେଇ ସାରା ଦେଶର ଲୋକେ ଅପେକ୍ଷା କରିଛନ୍ତି । ତେବେ ଶେଷ ହେବାକୁ ଯାଉଛି ଦେଶର ସବୁଠାରୁ ବଡ ପ୍ରତୀକ୍ଷାର ଅନ୍ତ । କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ମୁମ୍ବାଇ-ଅହମ୍ମଦାବାଦ ବୁଲେଟ ଟ୍ରେନ କେବେ ଚାଲିବ ସେ ସମ୍ପର୍କରେ ଗୁରୁତ୍ବପୂର୍ଣ୍ଣ ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସିଏନଏନ ନ୍ୟୁଜ୍ ୧୮ର କାର୍ଯ୍ୟକ୍ରମ ‘ରାଇଜିଂ ଇଣ୍ଡିଆ’ରେ ଯୋଗଦେଇ ବୈଷ୍ଣବ କହିଛନ୍ତି ଯେ ୨୦୨୬ରେ ଦେଶରେ ବୁଲେଟ୍ ଟ୍ରେନ୍ ଚାଲିବ । ଅର୍ଥାତ୍ ଆସନ୍ତା ୨ ବର୍ଷରେ ଦେଶରେ ଚାଲିବ ବୁଲେଟ ଟ୍ରେନ ।
ସେ କହିଛନ୍ତି, ଆମର ପ୍ରସ୍ତୁତି ବହୁତ ଦ୍ରୁତ ଗତିରେ ଚାଲିଛି ଏବଂ ୨୦୨୬ ରେ ବୁଲେଟ୍ ଟ୍ରେନ୍ ଚାଲିବ । ଭାରତୀୟ ରେଳବାଇରେ ଆସୁଥିବା ପରିବର୍ତ୍ତନ ସମ୍ପର୍କରେ ସୂଚନା ଦେଇ ରେଳମନ୍ତ୍ରୀ କହିଛନ୍ତି ଯେ, ମୋଦୀ ସରକାରଙ୍କ ସବୁଠାରୁ ବଡ ଲକ୍ଷ୍ୟ ହେଉଛି ଯାତ୍ରୀଙ୍କ ସୁରକ୍ଷା । ପ୍ରଥମେ ସୁରକ୍ଷିତ ଯାତ୍ରା ଏବଂ ପରେ ସୁବିଧାର ସମ୍ପ୍ରସାରଣ ଲକ୍ଷ୍ୟ ରହିଛି। ବୁଲେଟ୍ ଟ୍ରେନର ୨୮୪ କିଲୋମିଟର ଟ୍ରାକ୍ କାମ ଶେଷ ହୋଇଛି ବୋଲି ରେଳମନ୍ତ୍ରୀ କହିଛନ୍ତି। ଏହି ସଂଖ୍ୟା ୧୦-୧୨ ଦିନ ପୂର୍ବର, ଯେତେବେଳେ ମୁଁ ସମୀକ୍ଷା କଲି । ଅନ୍ୟ ଦେଶରେ ବୁଲେଟ୍ ଟ୍ରେନ୍ ପ୍ରକଳ୍ପ ସମ୍ପୂର୍ଣ୍ଣ କରିବାକୁ ୨୦ ବର୍ଷ ସମୟ ଲାଗିଥାଏ, କିନ୍ତୁ ଆପଣ ଭାରତରେ ଦେଖୁଛନ୍ତି।