ସୋମାଲିଆ ଜଳଦସ୍ୟୁଙ୍କ କବଳରୁ ପଣ୍ୟବାହୀ ଜାହାଜକୁ ଉଦ୍ଧାର କଲା ଭାରତୀୟ ନୌସେନା
ନୂଆଦିଲ୍ଲୀ: ଭାରତ ଓ ଆରବ ମହାସାଗରରେ ଭାରତୀୟ ନୌସେନାର ବଢୁଥିବା ଶକ୍ତି ଓ ପ୍ରଭାବର ଆଉ ଏକ ଉଦାହରଣ ଦେଖିବାକୁ ମିଳିଛି । ପ୍ରାୟ ୪୦ ଘଣ୍ଟାର ଅପରେସନ ଚଳାଇ ନୌସେନାର କମାଣ୍ଡୋମାନେ ସୋମାଲିଆ ଜଳଦସ୍ୟୁଙ୍କ କବଳରୁ ଏକ ଜାହାଜକୁ ଉଦ୍ଧାର କରିବାକୁ ସଫଳ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ନୌସେନାର ଜଣେ ଅଧିକାରୀ କହିଛନ୍ତି ଯେ ଅପହରଣ ହୋଇଥିବା ଜାହାଜ ଏମଭି ରୁଏନରେ ପ୍ରାୟ ୩୫ରୁ ଅଧିକ ଜଳଦସ୍ୟୁ ପ୍ରବେଶ କରିଥିଲେ । ଅନ୍ତର୍ଜାତୀୟ ନିୟମ ଅନୁଯାୟୀ ଡକାୟତ ଜାହାଜ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ବୋଲି ନୌସେନା କହିଛି। ଉକ୍ତ ପଣ୍ୟବାହୀ ଜାହାଜକୁ ମୁକୁଳାଇବାକୁ ଭାରତୀୟ ନୌସେନା ଜାହାଜ ଆସୁଥିବା ଦେଖି ପରେ ଜଳଦସ୍ୟୁମାନେ ଗୁଳିଚଳାଇଥିଲେ । କିନ୍ତୁ ନୌସେନା କମାଣ୍ଡୋମାନେ ସଫଳତାର ସହ ଅପରେସନକୁ ସଂପୂର୍ଣ୍ଣ କରିଥିଲେ ।
ସୂଚନା ଅନୁସାରେ ପ୍ରାୟ ୪୦ ଘଣ୍ଟା ଧରି ଲଗାତାର କାର୍ଯ୍ୟାନୁଷ୍ଠାନ ଗ୍ରହଣ କରି ଆଇଏନଏସ କୋଲକାତା ସମସ୍ତ ୩୫ ଜଣ ଡକାୟତଙ୍କୁ ଘେରି ଆତ୍ମସମର୍ପଣ କରିବାକୁ ସକ୍ଷମ ହୋଇଥିଲା । ଫଳରେ କ୍ରୁ ମେମ୍ବରମାନଙ୍କୁ ବିନା କୌଣସି କ୍ଷୟକ୍ଷତିରେ ସୁରକ୍ଷିତ ଭାବେ ଉଦ୍ଧାର କରାଯାଇଛି। ଆଇଏନଏସ କୋଲକାତା ଭାରତୀୟ ଉପକୂଳରୁ ପ୍ରାୟ ୧୪୦୦ ଏନଏମ (୨୬୦୦ କିଲୋମିଟର) ଦୂରରେ ଏହି ଅପରେସନ କରିଥିଲା ।