ପଞ୍ଜସିର ନେତାଙ୍କ ସହ ତାଲିବାନର ଆଲୋଚନା ବିଫଳ, ଲଢେଇ ଜୋରଦାର ହେବା ଆଶଙ୍କା
କାବୁଲ : ଆଫଗାନିସ୍ତାନର ପଞ୍ଜସିର ଘାଟିକୁ ଅକ୍ତିଆର କରିବାକୁ ତାଲିବାନ ଉଦ୍ୟମ ଚଳାଇଥିବାବେଳେ ଅହମ୍ମଦ ମାସୁଦଙ୍କ ନର୍ଦନ ଆଲାଏନ୍ସ ଏହାର ପ୍ରବଳ ପ୍ରତିରୋଧ କରୁଛି । ଏପରିକି ତାଲିବାନର ଆତଙ୍କବାଦୀମାନେ ମାସୁଦଙ୍କ ସେନାର ମୁକାବିଲା କରିପାରୁନାହାନ୍ତି ।
ଅନ୍ୟପକ୍ଷରେ ଦୁଇପକ୍ଷ ମଧ୍ୟରେ ଚାଲିଥିବା ଆଲୋଚନା ବିଫଳ ହୋଇଥିବା ତାଲିବାନ ପକ୍ଷରୁ କୁହାଯାଇଛି । ତାଲିବାନର ବରିଷ୍ଠ ନେତା ମୁଲ୍ଲା ଅମୀର ଖାଁ ମୋଟାକି କହିଛନ୍ତି ଯେ ପଞ୍ଜସିରର ନେତାମାନଙ୍କ ସହ ତାଲିବାନର ଏକ ୪୦ ଜଣିଆ ପ୍ରତିନିଧିମଣ୍ଡଳ ଚଳାଇଥିବା ଆଲୋଚନା ବିଫଳ ହୋଇଛି । ତେବେ ଶାନ୍ତିପୂର୍ଣ୍ଣ ଆଲୋଚନା ମଧ୍ୟମରେ ପଞ୍ଜସିର ଲୋକମାନଙ୍କ ସହ ଏକ ବୁଝାମଣା ହେବ ବୋଲି ସେ ଆଶା ପ୍ରକଟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ନର୍ଦ୍ଦନ ଆଲାଏନ୍ସ ତରଫରୁ ଏକ ଟ୍ୱିଟ କରି ଦାବି କରାଯାଇଛି ଯେ, ପଞ୍ଜଶୀର ଦଖଲ କରିବାକୁ ଆସିଥିବା ତାଲିବାନୀ ଯୋଦ୍ଧାଙ୍କ ମଧ୍ୟରୁ ପାଖା ପାଖି ୩୫୦ ଜଣଙ୍କୁ ଏନଆରଏଫ ତରଫରୁ ହତ୍ୟା କରାଯାଇଛି । କେବଳ ସେତିକି ନୁହେଁ ୪୦ ଜଣ ତାଲିବାନୀ ଯୋଦ୍ଧାଙ୍କୁ ଏନଆରଏଫ ବନ୍ଧକ ରଖିଥିବା କଥା ବି ଟ୍ୱିଟର ମାଧ୍ୟମରେ ଦାବି କରାଯାଇଛି । ଏହି କ୍ରମରେ ଏନଆରଏଫ ତରଫରୁ ଅନେକ ଆମେରିକୀୟ ବାହନ ଓ ଅସ୍ତ୍ରଶସ୍ତ୍ର ଜବତ କରିଥିବା କଥା ବି କୁହାଯାଇଛି ।