ଫେସବୁକ, ଇନଷ୍ଟାଗ୍ରାମର ସମସ୍ୟାକୁ ନେଇ ତାତ୍ସଲ୍ୟ କଲେ ମସ୍କ
ମୁମ୍ବାଇ: ସୋସିଆଲ ମିଡିଆ ପ୍ଲାଟଫର୍ମ ଫେସବୁକ ଏବଂ ଇନଷ୍ଟାଗ୍ରାମ ମଙ୍ଗଳବାର ସନ୍ଧ୍ୟାରେ ସାରା ବିଶ୍ବରେ ଡାଉନ୍ ହେବା ପରେ କିଛି ଘଣ୍ଟା ପରେ ଠିକ୍ ହୋଇଥିଲା। ଏହି ସମସ୍ୟାକୁ ନେଇ ଏକ୍ସର ମାଲିକ ଏଲନ ମସ୍କ ମେଟା ମାଲିକାନାରେ ଥିବା ଫେସବୁକ୍ ଏବଂ ଇନଷ୍ଟାଗ୍ରାମର ବିଶ୍ବସ୍ତରୀୟ ବିଚ୍ଛିନ୍ନତା ଉପରେ ପ୍ରତିକ୍ରିୟା ପ୍ରକାଶ କରୁଥିବା ପୋଷ୍ଟଗୁଡ଼ିକୁ ସେୟାର୍ କରିଛନ୍ତି। ସେ ଏକ ମିମ୍ ସେୟାର କରି ମେଟାକୁ ତାତ୍ସଲ୍ୟ କରିଥିବା ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ମିମ୍ରେ ଟ୍ବିଟର୍, ଫେସ୍ବୁକ୍, ଇନ୍ଷ୍ଟାଗ୍ରାମ୍, ଥ୍ରେଡ୍ ଆଦି ଲେଖାଥିବା କାର୍ଟୁନ ସେୟାର କରିବା ସହ ମେଟାର ଯୋଗାଯୋଗ ନିର୍ଦ୍ଦେଶକ ଆଣ୍ଡି ଷ୍ଟୋନ୍ଙ୍କର ଏକ ପୋଷ୍ଟ୍ ସେୟାର୍ କରିଛନ୍ତି। ଯେଉଁ ପୋଷ୍ଟ୍ରେ ସେ ଲେଖିଛନ୍ତି, ‘‘ମୋଟା ଏହି ସମସ୍ୟାକୁ ସମାଧାନ କରିବାର ବାଟ ଖୋଜୁଛି।’’
ମଙ୍ଗଳବାର ରାତି ପ୍ରାୟ ୯ଟା ସମୟରେ ଅନେକ ଲୋକଙ୍କ ମୋବାଇଲରେ ଫେସ୍ବୁକ୍ ଖୋଲିନଥିଲା। ମିଳିଥିବା ସୂଚନା ମୁତାବକ, ଫେସବୁକ୍ ସର୍ଭର ଡାଉନ୍ ଥିବା ହେତୁ, ଏଭଳି ସମସ୍ୟା ଉପୁଜିଥିଲା।