ବିଜେପିରେ ମିଶିଲେ ପୂର୍ବତନ ବାୟୁସେନା ମୁଖ୍ୟ ଆରକେଏସ୍ ଭଦୌରିୟା
ନିର୍ବାଚନର ତାରିଖ ଯେତେ ଯେତେ ପାଖୋଉଛି, ନେତା ଓ ଅଧିକାରୀମାନଙ୍କର ରାଜନୈତିକ ଦଳରେ ସାମିଲ ହେବା ସେତେ ବୃଦ୍ଧି ପାଇବାରେ ଲାଗିଛି । ରବିବାର ଅର୍ଥାତ ମାର୍ଚ୍ଚ ୨୪ ତାରିଖରେ ପୂର୍ବତନ ବାୟୁସେନା ମୁଖ୍ୟ ଆରକେଏସ୍ ଭଦୌରିୟା ଏବଂ ୱାଇଏସଆରସିପିର ନେତା ବରପ୍ରସାଦ ରାଓ ବେଲ୍ଲାପଲ୍ଲୀ ବିଜେପିରେ ସାମିଲ ହେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ଅନୁରାଗ ଠାକୁର, ବିଜେପି ରାଷ୍ଟ୍ରୀୟ ମହାସଚିବ ବିନୋଦ ତାୱଡେଙ୍କ ଉପସ୍ଥିତିରେ ଏହି ଦୁଇ ନେତା ଆଜି ପଦ୍ମ ଶିବିରରେ ସାମିଲ ହେଇଛନ୍ତି । ଏହି ଅବସରରରେ ବରପ୍ରସାଦ ରାଓ ବେଲ୍ଲାପଲ୍ଲୀ କହିଛନ୍ତି, ବିଜେପିରେ ସାମିଲ ହେବା ଗର୍ବର ବିଷୟ । ପ୍ରଧାନମନ୍ତ୍ରୀଙ୍କ କାର୍ଯ୍ୟଶୈଳୀଙ୍କୁ ପ୍ରଂଶସା କରିବା ସହ, ଏହି କାରଣରୁ ସେ ବିଜେପିରେ ସାମିଲ ହେଇଛନ୍ତି ବୋଲି ସୂଚନା ଦେଇଛନ୍ତି । ସେହିପରି ଆରକେଏସ୍ ଭଦୌରିଆ କହିଛନ୍ତି, ମୋଦୀଙ୍କ ନେତୃତ୍ୱରେ ଭାରତର ଲୋକଙ୍କୁ ନୂଆ ଆତ୍ମବିଶ୍ୱାସ ମିଳିଛି । ସେନାର ସୁରକ୍ଷା ଦୃଷ୍ଟିରୁ ମଧ୍ୟ ଏହା ବେଶ ଜରୁରୀ । ମୋଦୀଙ୍କ ନେତୃତ୍ୱରେ ଭାରତ ଅଦ୍ଭୁତପୂର୍ବ ବିକାଶ କରୁଛି ବୋଲି ସେ କହିଛନ୍ତି ।
ଦୁଇ ନେତାଙ୍କୁ ବିଜେପିରେ ସାମିଲ କରାଇ, କେନ୍ଦ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି, ପୂର୍ବତନ ବାୟୁସେନା ମୁଖ୍ୟ ଆରକେଏସ୍ ଭଦୌରିଆ ଓ ବାରା ପ୍ରସାଦ ରାଓଙ୍କୁ ବିଶ୍ୱର ସବୁଠୁ ବଡ ଦଳକୁ ସ୍ୱାଗତ । ସେ କହିଛନ୍ତି, ଯେବେ ବି ସେ ଭଦୌରିଆଙ୍କୁ ବର୍ଦ୍ଦିରେ ଦେଖୁଥିଲେ, ତାଙ୍କୁ ବଡ ଗର୍ବିତ ଅନୁଭବ ହେଉଥିଲା । ସୂଚନାଯୋଗ୍ୟ ଯେ, ଭଦୌରିୟା ୨୦୧୯ରୁ ୨୦୨୧ ପର୍ଯ୍ୟନ୍ତ ଭାରତୀୟ ବାୟୁସେନାର ମୁଖ୍ୟ ଥିଲେ ।