ବିଶ୍ବରେ ପ୍ରଥମ, ଉଦ୍ଭିଦରୁ ମଣିଷ ଶରୀରକୁ ଆସିଲା ସଂକ୍ରମଣ
କୋଲକାତା : ସମଗ୍ର ବିଶ୍ବରେ କରୋନା ମହାମାରୀର ଉତ୍ପତ୍ତିକୁ ନେଇ ଏବେ ବି ରହସ୍ୟ ହଟିନାହିଁ । ସଂଦେହ କରାଯାଉଛି ଯେ ବାହୁଡ଼ି ଶରୀରରୁ ଏହି ଭୁତାଣୁ ମଣିଷ ଶରୀରକୁ ଆସିଛି । ଏବେ ଆଉ ଏକ ରହସ୍ୟମୟ ସଂକ୍ରମଣ କଥା ଜଣାପଡ଼ିଛି । ତାହା ହେଉଛି ଉଦ୍ଭିଦରୁ ସଂକ୍ରମଣ ମଣିଷ ଶରୀରକୁ ଯାଇଛି । ତାହା ପୁଣି ଭାରତର ଜଣେ ଗବେଷକଙ୍କୁ ସଂକ୍ରମିତ କରିଛି ।
Sambad is now on WhatsApp
Join and get latest news updates delivered to you via WhatsApp
କୋଲକାତାର ଜଣେ ୬୧ ବର୍ଷୀୟ ଜଣେ ବୈଜ୍ଞାନିକ ଛତୁ, କବକ ଆଦି ଉପରେ ବିଗତ ଅନେକ ବର୍ଷ ଧରି ଗବେଷଣା କରିଆସୁଥିଲେ । କିନ୍ତୁ ଏକ ବିଷାକ୍ତ ଛତୁ ଦ୍ବାରା ସେ ସଂକ୍ରମିତ ହୋଇଥିବା ଜଣାପଡ଼ିଛି । ଏକ ଉଦ୍ଭିଦରୁ ମଣିଷକୁ ସଂକ୍ରମଣ ଆସିବାର ଏକ ସମଗ୍ର ବିଶ୍ବରେ ଏକ ପ୍ରଥମ ଘଟଣା ବୋଲି କୁହାଯାଉଛି ।
ସେ ପ୍ଲାଣ୍ଟ ଫଙ୍ଗସ ଉପରେ ଗବେଷଣା କରୁଥିବାବେଳେ ସଂକ୍ରମିତ ହୋଇଥିବା ସଂଦେହ କରାଯାଉଛି । ଏହି ଫଙ୍ଗସ ଫସଲକୁ ସଂକ୍ରମିତ କଲେ ଫସଲ ପତ୍ର ଧଳାପଡ଼ିଯାଏ ଓ ଧୀରେ ଧୀରେ ନଷ୍ଟ ହୋଇଯାଏ । କିନ୍ତୁ ଏହି ସଂକ୍ରମଣ ଉକ୍ତ ବ୍ୟକ୍ତିଙ୍କୁ ସଂକ୍ରମିତ କରିବା ପରେ ତାଙ୍କଠାରେ ନିୟମିତ କାଶ, ତଣ୍ଟିରେ ଦରଜ ଓ ଫୁଲିଯିବା, ଖାଦ୍ୟଗିଳିବାରେ ସମସ୍ୟା, ହାଲିଆ ଲାଗିବା ଆଦି ଦେଖାଯାଇଥିଲା । ସେ ଆପୋଲୋ ହସପିଟାଲରେ ଚିକିତ୍ସିତ ହେବା ପରେ ଏବ ଆରୋଗ୍ୟ ହୋଇଛନ୍ତି । ତେବେ ଏହି ସଂକ୍ରମଣ ଡାକ୍ତରମାନଙ୍କୁ ଆଶ୍ଚର୍ଯ୍ୟ କରିଛି ।