ସ୍କୁଟି ଚଳାଉଥିବାବେଳେ ସାମ୍ବାଦିକଙ୍କୁ ସାକ୍ଷାତକାର ଦେଲେ କେନ୍ଦ୍ରମନ୍ତ୍ରୀ ନିତିନ ଗଡ଼କାରୀ , ଭେଲପୁରି ଓ ଗୁପଚୁପ୍ ଖୁଆଇଲେ
ନାଗପୁର:କେନ୍ଦ୍ରମନ୍ତ୍ରୀ ତଥା ମହାରାଷ୍ଟ୍ରର ନାଗପୁର ଲୋକସଭା ଆସନରୁ ବିଜେପି ପ୍ରାର୍ଥୀ ନିତିନ ଗଡ଼କାରୀ ଗତକାଲି ସ୍କୁଟି ଚଳାଉଥିବାବେଳେ ଜଣେ ସାମ୍ବାଦିକଙ୍କୁ ସାକ୍ଷାତକାର ଦେଇଥିଲେ। ଏହି ସମୟରେ ହଠାତ୍ ନିତିନ ଗଡ଼କରୀ ଗୋଟିଏ ଠେଲା ଗାଡ଼ି ପାଖରେ ନିଜର ସ୍କୁଟି ରଖି ଦେଇଥିଲେ ଓ ସାମ୍ବାଦିକ ଜଣଙ୍କୁ ଏକ ଲୋକ ପାଖକୁ ନେଇଥିଲେ।
Sambad is now on WhatsApp
Join and get latest news updates delivered to you via WhatsApp
ସେ ଏକ ଭେଲପୁରୀ ଦୋକାନୀ ପାଖକୁ ଯାଇ କହିଲେ‘ଭାଇ ଭେଲପୁରୀ ବନାଅ,ଖଟା-ମିଠା ହେବା ଦରକାର,ମାତ୍ର ରାଗ କମ୍। ଦହି-ପୁରୀ ଓ ଗୁପଚୁପ୍ ବି ଖୁଆଅ। ’ ସେଠାରେ ସେ ନିଜେ ଏସବୁ ଖାଇବା ସହିତ ସାମ୍ବାଦିକଙ୍କୁ ମଧ୍ୟ ଖୁଆଇଥିଲେ। ଏହି ସମୟରେ ନିତିନ ଗଡକାରୀ କହିଥିଲେ ଯେ ମହାରାଷ୍ଟ୍ରରେ ବିଜେପି ଓ ଶିବସେନା ମେଣ୍ଟ ଏକଦମ୍ ମଜଭୁତ୍ ଅଛି। ଉଭୟ ଦଳ ମଧ୍ୟରେ ଥିବା ସବୁ ତିକ୍ତତା ଦୂର ହୋଇଛି ଓ ମହାରାଷ୍ଟ୍ରରେ ସବୁ ଆସନରେ ଏହି ମେଣ୍ଟ ବିଜୟ ଲାଭ କରିବ।