କାରାକାସ: ପୃଥିବୀର ପ୍ରାୟ ସବୁ ଦେଶରେ ଅପରାଧୀଙ୍କୁ ଖରାପ ଦୃଷ୍ଟିରେ ଦେଖାଯାଏ । ଲୋକେ ତାଙ୍କୁ ଘୃଣା କରନ୍ତି। କିନ୍ତୁ ଏମିତି ଏକ ଦେଶ ଅଛି ଯେଉଁଠି ଅପରାଧୀଙ୍କୁ ପୂଜା କରାଯାଏ । ଗ୍ୟାଙ୍ଗଷ୍ଟରମାନଙ୍କୁ ଦେବତା ଭାବରେ ଦେଖାଯାଏ । ଲୋକମାନେ ସେମାନଙ୍କ ଫଟୋ କିମ୍ବା ମୂର୍ତ୍ତି ମନ୍ଦିରରେ ଓ ନିଜ ଘରେ ରଖନ୍ତି । ସେମାନେ ଭଗବାନଙ୍କ ପରି ଭୋଗ ଅର୍ପଣ କରନ୍ତି, ମଦ ଓ ସିଗାରେଟ ଅର୍ପଣ କରନ୍ତି । ଲୋକମାନେ ଅପରାଧୀଙ୍କ ମହିମା ଗାନ କରନ୍ତି । ତେବେ ଏହାର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ ।
Sambad is now on WhatsApp
Join and get latest news updates delivered to you via WhatsApp
‘ଦ ସନ୍’ର ରିପୋର୍ଟ ଅନୁଯାୟୀ, ଭେନେଜୁଏଲାରେ ଏକ ସମୟରେ ଅରାଜକତା ଦେଖାଦେଇଥିଲା। ସେ ସମୟରେ ନିକୋଲାସ ମାଦୁରୋ ଶାସନ କରିଥିଲେ। ଦେଶରେ ଅପରାଧୀଙ୍କ ରାଜ୍ ଚାଲିଥିଲା । ଚାରିଆଡ଼େ ହତ୍ୟା, ଚୋରି, ଡକାୟତି ଭଳି ଘଟଣା ଘଟୁଥିଲା। କିନ୍ତୁ ସେମାନଙ୍କ ଭିତରେ ଗୋଟିଏ ବିଶେଷ କଥା ଥିଲା, ଚୋରି ଓ ଲୁଟ୍ କରୁଥିବା ଲୋକମାନେ ଗରିବ ଲୋକଙ୍କୁ ହଇରାଣ କରୁନଥିଲେ କିମ୍ବା କୌଣସି ଗରିବଙ୍କୁ ହତ୍ୟା କରୁନଥିଲେ । ତେବେ ସେମାନେ ଧନୀମାନଙ୍କୁ ଲୁଟ୍ କରୁଥିଲେ ଏବଂ ଧନକୁ ଗରିବମାନଙ୍କ ମଧ୍ୟରେ ବଣ୍ଟନ କରୁଥିଲେ । ଏହି କାରଣରୁ ଲୋକମାନେ ସେମାନଙ୍କୁ ଭଲ ପାଉଥିଲେ । ଲୋକମାନେ ସେମାନଙ୍କୁ ନିଜର ରକ୍ଷକ ଭାବରେ ବିବେଚନା କରୁଥିଲେ ।
ବିବିସିର ଏକ ରିପୋର୍ଟ ଅନୁଯାୟୀ, ଏହି ଦେବତାଙ୍କୁ ସ୍ପାନିଶ ଭାଷାରେ ସାଣ୍ଟୋସ୍ ମାଲେଣ୍ଡ୍ରୋସ କୁହାଯାଏ । ପ୍ରାୟ ପ୍ରତ୍ୟେକ ଘରେ ସେମାନଙ୍କୁ ପୂଜା କରାଯାଏ । ସଂକଟ ଆସିଲେ ଏହି ଲୋକମାନେ ସୁରକ୍ଷା ପାଇଁ ଆସିବେ ବୋଲି ସ୍ଥାନୀୟ ଲୋକେ ବିଶ୍ବାସ କରନ୍ତି ।