ଥାର୍ଡ ୱେଭ୍ କଫିକୁ ନେଇ ସରଗରମ ହେଉଛି ଚର୍ଚ୍ଚା, ସାରା ଦେଶରେ ଖୋଲିଲାଣି ୩୦ରୁ ଅଧିକ ଆଉଟଲେଟ୍
ନୂଆଦିଲ୍ଲୀ: ସାରା ଦେଶର ଲୋକମାନେ ଏବେ କରୋନାର ତୃତୀୟ ଲହର ଅର୍ଥାତ ‘ଥାର୍ଡ ୱେଭ’କୁ ନେଇ ଚିନ୍ତାରେ ପଡିଥିବା ବେଳେ ସୋସିଆଲ ମିଡିଆରେ ଏବେ ଥାର୍ଡ ୱେଭ କଫି ଷ୍ଟୋରକୁ ନେଇ ଚର୍ଚ୍ଚା ବି ଜୋର ଧରିଛି । ଦକ୍ଷିଣ ଦିଲ୍ଲୀର ଭିନ୍ନ ଭିନ୍ନ ସ୍ଥାନରେ କିଛିଦିନ ହେବ ଖୋଲିଥିବା ଏହି ଥାର୍ଡ ୱେଭ୍ କଫି ରୋଷ୍ଟରକୁ ନେଇ ଚାରିଆଡେ ଚର୍ଚ୍ଚା ହେଉଛି ।
Sambad is now on WhatsApp
Join and get latest news updates delivered to you via WhatsApp
ତେବେ କରୋନା ୨୦୨୦ ମସିହାରେ ଭାରତରେ ପ୍ରବେଶ କରିଥିବା ବେଳେ ଏହି କଫି ସପ କିନ୍ତୁ ୨୦୧୬ ରୁ ଆରମ୍ଭ ହୋଇଛି । ୨୦୧୬ ମସିହାରେ ବେଙ୍ଗାଲୁରୁରେ ପ୍ରଥମ ଥର ଏହି କଫି ସପ ଖୋଲିଥିଲା । ଆଉ ଏବେ ସାରା ଦେଶରେ ଏହାର ୩୦ରୁ ଅଧିକ ଆଉଟଲେଟ ରହିଛି । କଫିର ମାର୍କେଟିଂ କରୁଥିବା ଅଧିକାରୀଙ୍କ ମୁତାବକ କରୋନା ସହ ଏହି କଫି ସପର କୌଣସି ସଂପର୍କ ନାହିଁ । ହେଲେ ଏହି କଫିସପର ନାମ ଥାର୍ଡ ୱେଭ କଫି ସପ ରଖାଯାଇଛି କାରଣ କଫି ଶିଳ୍ପରେ ତୃତୀୟ ବିପ୍ଳବ ଆଣିବା ହେଉଛି ଏହାର ଲକ୍ଷ୍ୟ ।
ମାର୍କେଟିଂ ଟିମର କହିବା ମୁତାବକ ଏହି କଫି ସପର ନାମକୁ ନେଇ ସୋସିଆଲ ମିଡିଆରେ ଯେଭଳି ଚର୍ଚ୍ଚା ହେଉଛି ଏଠାକୁ ଆସୁଥିବା ଗ୍ରାହକମାନଙ୍କ ମଧ୍ୟରେ ମଧ୍ୟ ସେତିକି ଉତ୍ସୁକତା ଦେଖିବାକୁ ମିଳୁଛି । ଏହାସହ କମ୍ପାନି ଆଗାମୀ ୧ ବର୍ଷ ମଧ୍ୟରେ ୧୫୦ ଆଉଟଲେଟ ଖୋଲିବାକୁ ଲକ୍ଷ୍ୟ ରଖିଥିବା ମାର୍କେଟିଂ ଟିମ୍ କହିଛନ୍ତି ।
ଏହି ନିଆରା କଫି ସପ ନାମ ସହିତ ନିଜର ଇଣ୍ଟେରିୟର ଡିଜାଇନ ଓ ପରିବେଶକୁ ନେଇ ବେସ ଚର୍ଚ୍ଚାରେ ରହିଛି । କଫି ସପ ଭିତରର ପରିବେଶ ବେସ୍ ଶାନ୍ତ, ସେଠାରେ ଆପଣ ଭିନ୍ନ ଭିନ୍ନ ପ୍ରକାର କଫିର ସ୍ୱାଦ ବି ପାଇପାରିବେ । ଏହାସହ ମାର୍କେଟିଂ ଟିମ୍ ମୁତାବକ ଆପଣ ଏଠାରେ କରୋନାର ତୃତୀୟ ଲହର ନେଇ କୌଣସି ପ୍ରକାର ଭୟଭିତ ହେବାର ଆଶଂକା ନାହିଁ । କାରଣ କରୋନା ସମସ୍ତ ନିୟମ ପାଳନ ସହିତ କଫି ସପ ଖୋଲାଯାଇଥାଏ ।