ବିସିସିଆଇର ଅମ୍ପାୟାରସିପ୍ ପାଇଁ ମନୋନୀତ ହେଲେ ଓଡ଼ିଆ ପୁଅ : ସରିନି ସଂଘର୍ଷ, ଆଗାମୀ ପର୍ଯ୍ୟାୟରେ ଭଲ ପ୍ରଦର୍ଶନ କରିବା ଆଶାରେ କଟକର ଦୁର୍ଗାଦତ୍ତ
କଟକ: ଖେଳ ପଡ଼ିଆକୁ କ୍ରିକେଟ ଖେଳିବାକୁ ଗଲେ କାହାର ବ୍ୟାଟିଂ କରିବାର ଇଚ୍ଛା ତ କାହାର ବୋଲିଂ । କିନ୍ତୁ ଖେଳ ପଡିଆରେ ସମ୍ପୂର୍ଣ୍ଣ ଭିନ୍ନ ଦୁର୍ଗାଦତ୍ତ । ତାଙ୍କର ଇଚ୍ଛା ଅମ୍ପେୟାରସିପ୍ କରିବା । ତାଙ୍କର ଏହି ଭିନ୍ନଧରଣର ଚିନ୍ତା ଓ ଅକ୍ଳାନ୍ତ ପରିଶ୍ରମ ତାଙ୍କୁ ଗାଁ ଖେଳ ପଡିଆରୁ ନେଇ ପହଂଚାଇ ପାରିଛି ବିସିସିଆଇ ଅମ୍ପାୟାରସିପ୍ ମନୋନୟନରେ।
Sambad is now on WhatsApp
Join and get latest news updates delivered to you via WhatsApp
ଦୃଢ ମନବଳ, ଏକାଗ୍ରତା ଓ ଅକ୍ଲାନ୍ତ ପରିଶ୍ରମ ହିଁ ସଫଳତା ଆଣିଦିଏ । ଏମିତି ଅନେକ ଉଦାହରଣ ରହିଛି । କଟକ ଜିଲ୍ଲା ବାରଙ୍ଗ ବ୍ଲକ କୁରାଙ୍ଗ ଶାସନ ଗାଁର ଦୁର୍ଗାଦତ୍ତ ଦାସ । ଗାଁ ପଡିଆରେ କ୍ରିକେଟ୍ ଖେଳରେ ଅମ୍ପାୟାରସିପ୍ କରୁଥିବା ଦୁର୍ଗାଦତ୍ତ ୨୦୧୨ ମସିହାରୁ ଓସିଏରେ ଅମ୍ପାୟାରସିପ୍ କରୁଛନ୍ତି । ଏବେ ବୋର୍ଡ ଅଫ କ୍ରିକେଟ୍ କଂଟ୍ରୋଲ୍ ଅଫ ଇଣ୍ଡିଆ ଅର୍ଥାତ୍ ବିସିସିଆଇର ଅମ୍ପାୟାରସିପ୍ ପାଇଁ ମନୋନୀତ ହୋଇଛନ୍ତି। ଦୁର୍ଗାଦତ୍ତ ୯୨ ପ୍ରତିଶତ ମାର୍କ ରଖି ଆଗକୁ ବଢିଛନ୍ତି।
ବିସିସିଆଇର ଅମ୍ପେୟାରସିପ୍ ଇଂଟରଭ୍ୟୁରେ ଉନ୍ନୀତ ହେବା ପରେ ଅନେକ ପର୍ଯ୍ୟାୟ ରହିଛି । ତେଣୁ ପ୍ରତି ପର୍ଯ୍ୟାୟରେ ଭଲ ପ୍ରଦର୍ଶନ କରିବା ନେଇ ଆଶା ରଖିଛନ୍ତି ଦୁର୍ଗାଦତ୍ତ । ତାଙ୍କର ଏହି ସଫଳରାରୁ ପୂରା ପରିବାର ଓ ଗାଁ ଗର୍ବିତ ହେଉଥିବା ବେଳେ ରାଜ୍ୟ ମଧ୍ୟ କିଛି କମ୍ ଗର୍ବିତ ନୁହଁନ୍ତି। ଦୁର୍ଗାଦତ୍ତଙ୍କ ଗାଁର ଆଉ ଏକ ଇତିହାସ ରହିଛି, କିମ୍ବଦନ୍ତୀ କୁହେ ରାଜା କପିଳେନ୍ଦ୍ର ଦେବ ମଧ୍ୟ କୁରାଙ୍ଗ ଶାସନ ଗାଁର ଥିଲେ ।