ଚନ୍ଦ୍ରଯାନ-୨ ଚନ୍ଦ୍ରରେ କେମିତି ଖୋଜିବ ପାଣି; ଭିଡିଓ ଜାରି କରି ଦେଖାଇଲା ଇସ୍ରୋ
ନୂଆଦିଲ୍ଲୀ: ଭାରତୀୟ ଅନ୍ତରୀକ୍ଷ ଗବେଷଣା ପ୍ରତିଷ୍ଠାନ (ଇସ୍ରୋ) ପକ୍ଷରୁ ଚନ୍ଦ୍ର ପୃଷ୍ଠରେ ଅବତରଣ କରିବା ଲକ୍ଷ୍ୟରେ ଛଡ଼ା ଯାଇଥିବା ଚନ୍ଦ୍ରଯାନ-୨ ନିଜ ଲକ୍ଷ୍ୟ ପଥରେ ସଫଳତାର ଆଗେଇ ଚାଲିଛି। ଆଜି ଚନ୍ଦ୍ରଯାନ-୨ ଲାଣ୍ଡର ଓ ରୋଭରକୁ ଧରି ନିଜ ଲକ୍ଷ୍ୟ ପଥରେ ସଫଳତାର ସହ ୪ ପାଦ ଆଗେଇ ସାରିଥିବା ବେଳେ ଯଦି ସବୁକିଛି ଠିକ୍ଠାକ୍ ରହେ ତେବେ ଆସନ୍ତା ୭ ତାରଖରେ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ ଚନ୍ଦ୍ରଯାନ-୨।
Sambad is now on WhatsApp
Join and get latest news updates delivered to you via WhatsApp
ଏହି ପରିପ୍ରେକ୍ଷୀରେ ଆଜି ଇସ୍ରୋର ଏସ୍ଏସ୍ପିଓ ନିର୍ଦ୍ଦେଶକ ପି ଶ୍ରୀକୁମାର ଇସ୍ରୋର ଟୁଇଟର ହାଣ୍ଡଲରେ ଏକ ଭିଡିଓ ସେୟାର କରି ଚନ୍ଦ୍ରଯାନ-୨ ଚନ୍ଦ୍ରପୃଷ୍ଠରେ କେମିତି ଜଳର ସନ୍ଧାନ କରିବ ତାହାର ଖୁଲାସ କରିଛନ୍ତି। ଜାରି ଭିଡିଓରେ ନିର୍ଦ୍ଦେଶକ ଶ୍ରୀକୁମାର କହିଛନ୍ତି ଯେ ଗତ ୨୦୦୮ ଅକ୍ଟୋବରରେ ଯେତେବେଳେ ଇସ୍ରୋ ପକ୍ଷରୁ ଚନ୍ଦ୍ରଯାନ-୧ ନାମରେ ପ୍ରଥମ ଚନ୍ଦ୍ର ମିଶନ କରା ଯାଇଥିଲା ସେତେବେଳେ ଚନ୍ଦ୍ରରେ ପାଣି ଥିବା ନେଇ ଯଥେଷ୍ଟ ବଳିଷ୍ଠ ପ୍ରମାଣ ଯୋଗାଇଥିଲା।
On this edition of #RocketScience, P Sreekumar — Director of SSPO — helps us understand why we are going back to the Moon, and how Chandrayaan 2 serves to identify the presence of water below the lunar surfacehttps://t.co/86UfpHg17F
#Chandrayaan2 #ISRO— ISRO (@isro) July 29, 2019
ତେବେ, ଏଥର ଚନ୍ଦ୍ରପୃଷ୍ଠ ତଳେ ପାଣି ଓ ଚନ୍ଦ୍ରପୃଷ୍ଠରେ କୌଣସି ଜୀବସତ୍ତା ରହିଛି କି ନାହିଁ ତାକୁ ଖୋଜିବ ଚନ୍ଦ୍ରଯାନ-୨ର ଲାଣ୍ଡର ସହ ଚନ୍ଦ୍ରପୃଷ୍ଠକୁ ଯାଇଥିବା ରୋଭର। ତେବେ, ଚନ୍ଦ୍ରପୃଷ୍ଠ ତଳେ ଜଳର ସନ୍ଧାନ କେମିତି କରିବ ରୋଭର ତାହା ଦେଖିବାକୁ ମିଳୁଛି ଏହି ଭିଡିଓରେ।