ସୁଲତାନ୍ ଆଜଲାନ୍ ଶାହ କପ୍: ଭାରତ ୨-୪ ଗୋଲରେ ଅଷ୍ଟ୍ରେଲିଆ ଠାରୁ ପରାସ୍ତ
ମାର୍ଚ୍ଚ ୭ରେ ମାଲେସିଆ ସହିତ ଭାରତର ୩ୟ ମୁକାବିଲା
ଇଫୋନ୍(ମାଲେସିଆ): ୨୭ତମ ସୁଲତାନ୍ ଆଜଲାନ୍ ଶାହ କପ୍ରେ ମଙ୍ଗଳବାର ଭାରତ ତା’ର ୩ୟ ମ୍ୟାଚ୍ରେ ପରାସ୍ତ ହୋଇଛି। ଭାରତୀୟ ଟିମ୍ ୨-୪ ଗୋଲରେ ଅଷ୍ଟ୍ରେଲିଆଠାରୁ ପରାସ୍ତ ହୋଇଛି। ମାଲେସିଆର ଇଫୋନ୍ ଠାରେ ଖେଳାଯାଇଥିବା ମ୍ୟାଚ୍ରେ ଭାରତ ପକ୍ଷରୁ ରମଣଦୀପ ସିଂହ ୫୨ ଓ ୫୩ ମିନିଟରେ ଅଷ୍ଟ୍ରେଲିଆ ବିପକ୍ଷରେ ଗୋଲ ଦେଇଥିଲେ। କିନ୍ତୁ ତା’ ପୂର୍ବରୁ ଅଷ୍ଟ୍ରେଲିଆ ୩ଟି ଗୋଲ ଭାରତ ବିପକ୍ଷରେ ଦେଇ ସାରିଥିଲା। ଅଷ୍ଟ୍ରେଲିଆର ମାର୍କ କ୍ରୋନେଲ ୨୮ ମିନିଟ, ଆରନ ଜାଲିଉସ୍କି ୩୫ ମିନିଟ ଓ ବ୍ଲେକ ଗୋଭାରସ ୪୦ ମିନିଟରେ ଗୋଲ ଦେଇଥିଲେ। ଭାରତ ମାର୍ଚ୍ଚ ୭ରେ ତା’ର ୪ର୍ଥ ମ୍ୟାଚ୍ ମାଲେସିଆ ବିପକ୍ଷରେ ଖେଲିବ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଭାରତ ଇଂଲଣ୍ଡ ସହିତ ୨ୟ ମ୍ୟାଚ୍ରେ ୧-୧ରେ ମ୍ୟାଚ୍କୁ ଡ୍ର ରଖିଥିଲା। ସେହିଭଳି ପ୍ରଥମ ମ୍ୟାଚ୍ରେ ଶନିବାର ଅଲମ୍ପିକ ଚମ୍ପିଅନ୍ ଆର୍ଜେଣ୍ଟିନା ଠାରୁ ୩-୨ରେ ଭାରତୀୟ ପୁରୁଷ ହକି ଟିମ୍ ପରାସ୍ତ ହୋଇଥିଲା।