ଭୁବନେଶ୍ୱର: କେରଳର ଆଲେପି ଠାରେ ଆଗାମୀ ଡିସେମ୍ବର ୪ରୁ ଆରମ୍ଭ ହେବାକୁ ଥିବା ଏସିଆ ଶକ୍ତିଉତ୍ତୋଳନ ପ୍ରତିଯୋଗିତାରେ ଓଡ଼ିଶାରୁ ୨ଜଣ ପ୍ରତିଯୋଗୀ ଭାଗ ନେବାକୁ ଯାଉଛନ୍ତି। ଡିସେମ୍ବର ୯ ପର୍ଯ୍ୟନ୍ତ ହେବାକୁ ଥିବା ପ୍ରତିଯୋଗିତାରେ ଓଡ଼ିଶାରୁ ପ୍ରଦୀପ କୁମାର ପାତ୍ର ଓ ଅନୁପମା ସ୍ୱାଇଁ ଭାଗ ନେବେ। ଗତ ସେପ୍ଟେମ୍ବରରେ ଦିଲ୍ଲୀ ଠାରେ ଚୟନ ଶିବିରରେ ସିନିୟର ୬୬କେଜି ବର୍ଗରେ ପ୍ରଦୀପ ଓ ୫୨କେଜି ବର୍ଗରେ ଅନୁପମା ଯୋଗ୍ୟ ବିବେଚିତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ରାଜ୍ୟ ପୁଲିସ ବିଭାଗରେ କାର୍ଯ୍ୟରତ ଓଡ଼ିଶାର ଉଭୟ ପ୍ରତିଭା ପୂର୍ବରୁ ଅନେକ ଥର ଜାତୀୟ ଓ ଅନ୍ତର୍ଜାତୀୟ ପ୍ରତିଯୋଗିତାରେ ଭାଗ ନେଇଛନ୍ତି। ଆଗାମୀ ପ୍ରତିଯୋଗିତାରେ ଉଭୟ ଖେଳାଳି ଉନ୍ନତ ପ୍ରଦର୍ଶନ କରିବେ ବୋଲି ଓଡ଼ିଶା ଶକ୍ତିଉତ୍ତୋଳନ ସଂଘର ଉପ-ସଭାପତି ତଥା କୋଚ୍ ହରି ପ୍ରସାଦ ପଟ୍ଟନାୟକ ଓ ସଂପାଦକ ଚିତ୍ତରଞ୍ଜନ ସ୍ୱାଇଁ ଆଶାପୋଷଣ କରିଛନ୍ତି।