ପୂର୍ବାଞ୍ଚଳ ରାଜ୍ୟ ପୁଲିସ ଡିଜିମାନଙ୍କ ଭର୍ଚୁଆଲ ସମ୍ମିଳନୀ : ଅପରାଧ ନିୟନ୍ତ୍ରଣ, ନକ୍ସଲ ଦମନ କ୍ଷେତ୍ରରେ ସମନ୍ବୟ ପାଇଁ ସହମତି
ଭୁବନେଶ୍ବର : ପୂର୍ବାଞ୍ଚଳ ଆଞ୍ଚଳିକ ପୁଲିସ ସମନ୍ବୟ କମିଟିର ଏକ ଭର୍ଚୁଆଲ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଓଡ଼ିଶାର ପୁଲିସ ଡିଜି ଅଭୟଙ୍କ ଆବାହକତ୍ବରେ ହୋଇଥିବା ଏହି ସମ୍ମିଳନୀରେ ବିହାର, ପଶ୍ଚିମବଙ୍ଗ, ଝାଡ଼ଖଣ୍ଡ ଓ ଛତିଶଗଡ଼ର ପୁଲିସ ଡିଜିମାନେ ଯୋଗଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି ବୈଠକରେ ନକ୍ସଲ ବିରୋଧୀ ଅପରେସନରେ ସମନ୍ବୟ, ଆଭ୍ୟନ୍ତରୀଣ ସୁରକ୍ଷା ମାମଲାରେ ସମନ୍ବୟ, ଅନ୍ତଃରାଜ୍ୟ ଅପରାଧ ଯ଼େପରିକି ସାଇବର ଅପରାଧ, ସଂଗଠିତ ଅପରାଧ, ନିଶାଦ୍ରବ୍ୟ ଚୋରାଚାଲାଣ ଆଦି ନିୟନ୍ତ୍ରଣରେ ସମନ୍ବୟ ଓ କ୍ଷମତା ବୃଦ୍ଧି କ୍ଷେତ୍ରରେ ସମନ୍ବୟ ଆଦି ଉପରେ ଆଲୋଚନା ହୋଇଥିଲା ।
ଏହି ସମ୍ମିଳନୀରେ ଏସବୁ ରାଜ୍ୟଗୁଡ଼ିକର ଅନ୍ୟ ବରିଷ୍ଠ ପୁଲିସ ଅଧିକାରୀମାନେ ବି ଯୋଗ ଦେଇଥିଲେ । ଓଡ଼ିଶା ତରଫରୁ ଗୁଇନ୍ଦା ନିର୍ଦ୍ଦେଶକ ଲଲିତ ଦାସ, ଅତିରିକ୍ତ ଡିଜି (କ୍ରାଇମ ବ୍ରାଞ୍ଚ) ସଂଜୀବ ପଣ୍ଡା, ଅତିରିକ୍ତ ଡିଜି (ଆଇନ ଶୃଙ୍ଖଳା) ଆର.କେ. ଶର୍ମା, ପୁଲିସ ଆଜି (ଅପରେସନ୍ସ) ଅମିତାଭ ଠାକୁର, ଆଇଜି କ୍ରାଇମବ୍ରାଞ୍ଚ ଅମିତେନ୍ଦ୍ର ନାଥ ସିହ୍ନା ଯୋଗ ଦେଇଥିଲେ ।