ସହର ଉପକଣ୍ଠରେ ମାତିଲେ ହାତୀପଲ, ଦଳରେ ଅଛନ୍ତି ୨୮ ହାତୀ

ରାଉରକେଲା: ସହର ଉପକଣ୍ଠ ବନ୍ଧମୁଣ୍ଡା ଅଞ୍ଚଳରେ ମାରିଛନ୍ତି ହାତୀପଲ। ଏହି ଦଳରେ ୧ ଦନ୍ତା, ୨ ଛୁଆ ହାତୀ ସହ ମୋଟ ୨୮ ଟି ହାତୀ ଅଛନ୍ତି। ଗତ ପ୍ରାୟ ୫/୬ ଦିନ ହେଲା ଏହି ହାତୀପଲ ପାନପୋଷ ଓ ବିଶ୍ରା ରେଞ୍ଜ ର ବନ୍ଧମୁଣ୍ଡା, ଡୁମେର୍ତା, ଆର୍ ଏସ କଲୋନୀ, ଜବାଘାଟ, ଗୁଙ୍ଗୁଝର, ଉପରବାହାଲ ଅଞ୍ଚଳରେ ତାଣ୍ଡବ ରଚିଛନ୍ତି। ଆଜି ଭୋର୍ ୪ ତାରେ ହାତୀପଲ ଜବଘାଟ ରୁ ବନ୍ଧମୁଣ୍ଡା ଅଞ୍ଚଳକୁ ଆସୁଥିବାବେଳେ ଲୋକଙ୍କ ପାଟିତୁଣ୍ଡ, ଗହଳି ଯୋଗୁଁ ହାୱଡା-ମୁମ୍ବାଇ ରେଳପଥ ଡାଉନଲେନ୍ କଡ଼ରେ ରହିଯାଇଥିଲେ। ଫଳରେ ଉକ୍ତ ରେଳପଥରେ ଟ୍ରେନ ଚଳାଚଳ ସ୍ବାଭାବିକ ଗତିରେ ନ ଯାଇ ମାତ୍ର ୧୦ କିଲୋମିଟର ଗତିରେ ଚଳାଚଳ କରିଥିଲା। ଆଜି ସନ୍ଧ୍ୟାରେ ବାନ କର୍ତ୍ତୃପକ୍ଷ ହାତୀପଲ କୁ ପୋଖରାବାହାଲ ଜଙ୍ଗଲକୁ ଘଉଡ଼ାଇଥିବାବେଲେ ଯେ କୌଣସି ମୁହୂର୍ତ୍ତରେ ପୁଣି ସହର ମୁହାଁ ହେବା ଆଶଙ୍କା ରହିଛି। ଏନେଇ ଅଞ୍ଚଳରେ କୋକୁଆ ଭୟ ଖେଳିଯାଇଛି।