ଦୁର୍ଘଟଣାରେ ସାମ୍ବାଦିକ ଆହତ
ଖୋର୍ଦ୍ଧା : ଖୋର୍ଦ୍ଧାର ଦୈନିକ ଓଡ଼ିଆ ଖବରକାଗଜ ସମାଜର ସାମ୍ବାଦିକ ରାମନାରାୟଣ ଦାଶ ଆଜି ଖବର ସଂଗ୍ରହ ପାଇଁ ଯାଇଥିବା ବେଳେ ରାମେଶ୍ୱର ନିକଟରେ ଦୁର୍ଘଟଣାର ଶିକାର ହୋଇ ଗୁରୁତର ଆହତ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ବୁଧବାର ଅପରାହ୍ଣ ପ୍ରାୟ ୩ଟା ବେଳେ ସେ ଖବର ସଂଗ୍ରହ କରି ରାମେଶ୍ୱରରୁ ଖୋର୍ଦ୍ଧା ଫେରୁଥିବା ବେଳେ ରାସ୍ତାରେ ଏକ ଷଣ୍ଢ ହଠାତ୍ ତାଙ୍କ ମୋଟରସାଇକଲ ସମ୍ମୁଖକୁ ଚାଲିଆସିଥିଲା । ଏଥିରେ ସେ ଭାରସାମ୍ୟ ହରାଇ ଜାତୀୟ ରାଜପଥ ନିର୍ମାଣ ପାଇଁ ରାସ୍ତାକଡ଼ରେ ରଖାଯାଇଥିବା ପଥରରେ ପିଟି ହୋଇଯାଇଥିଲେ। ଏଥିରେ ତାଙ୍କର ବାମଗୋଡ଼କୁ ଗଭୀର ଆଘାତ ଲାଗିଥିବା ବେଳେ ମୋଟରସାଇକଲଟି ଚୂରମାର ହୋଇଯାଇଛି । ହେଲମେଟ୍ ପିନ୍ଧିଥିବାରୁ ଏକ ବଡ଼ଧରଣର ଆଘାତରୁ ସେ ବର୍ତିଯାଇଥିଲେ । ତେବେ ନିକଟସ୍ଥ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପରେ ତାଙ୍କର ସ୍ୱାସ୍ଥ୍ୟାବସ୍ଥା ବର୍ତମାନ ସ୍ଥିର ରହିଥିବା ଜଣାଯାଇଛି ।