ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ: ପରିବର୍ତ୍ତିତ ସମୟରେ ଛାଡ଼ିବ ୫ ଟ୍ରେନ୍
ପରବର୍ତ୍ତୀ ଆଦେଶ ପର୍ଯ୍ୟନ୍ତ ଚାଲିବ ୩ଟି ଟ୍ରେନ୍
ଭୁବନେଶ୍ବର : ଜୁନ୍ ୨୧ରେ ବିଜୟନଗରମ୍ ଓ କୋରୁକୋଣ୍ଡା ଷ୍ଟେସନ୍ ମଧ୍ୟରେ ଲେଭଲ୍ କ୍ରସିଂ ଗେଟ୍ରେ ସୀମିତ ଉଚ୍ଚତା ବିଶିଷ୍ଟ ଉପମାର୍ଗ(ଏଲ୍ଏଚ୍ଏସ୍) ସ୍ଥାପନ ସହ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟକୁ ଦୃଷ୍ଟିରେ ରଖି ୫ଟି ଟ୍ରେନ୍ ଉତ୍ତପ୍ତି ଷ୍ଟେସନରୁ କିଛି ସମୟ ବିଳମ୍ବରେ ଛାଡ଼ିବ। ସିକନ୍ଦରାବାଦ-ଭୁବନେଶ୍ବର ବିଶାଖା ଟ୍ରେନ୍(୦୭୦୧୬) ଜୁନ୍ ୨୦ରୁ ସିକନ୍ଦରାବାଦରୁ ନିର୍ଧାରିତ ସମୟ ଅପରାହ୍ଣ ୪ଟା ୫୦ ପରିବର୍ତ୍ତେ ରାତି ୮ଟା ୫ରେ ଛାଡ଼ିବ। ଚେନ୍ନାଇ ସେଣ୍ଟ୍ରାଲ୍-ହାଓଡ଼ା ବିଶେଷ ଟ୍ରେନ୍(୦୨୮୨୨) ଜୁନ୍ ୨୦ରେ ଚେନ୍ନାଇ ସେଣ୍ଟ୍ରାଲ୍ରୁ ସନ୍ଧ୍ୟା ୭ଟା ୧୫ ପରିବର୍ତ୍ତେ ରାତି ୯ଟା ୩୦, ଭାସ୍କୋ-ଡ଼ା-ଗାମା-ହାଓଡ଼ା ଟ୍ରେନ୍(୦୮୦୪୮) ଜୁନ୍ ୨୦ରୁ ଭାସ୍କୋ-ଡ଼ା-ଗାମାରୁ ସକାଳ ୬ଟା ୩୦ ପରିବର୍ତ୍ତେ ପୂର୍ବାହ୍ନ ୮ଟା ୪୫, ଗୁଣ୍ଟୁର-ରାୟଗଡ଼ା ଟ୍ରେନ୍(୦୭୨୩୪) ଜୁନ୍ ୨୦ରେ ଗୁଣ୍ଟୁରରୁ ରାତି ୧୧ଟା ୨୦ ପରିବର୍ତ୍ତେ ରାତି ୧୨ଟା ୨୦, ହାଓଡା-ଯଶୋବନ୍ତପୁର ବିଶେଷ ଟ୍ରେନ୍(୦୨୮୭୩) ଜୁନ୍ ୨୦ରେ ରାତି ୧୧ଟା ପରିବର୍ତ୍ତେ ରାତି ୧୨ଟାରେ ଛାଡ଼ିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ପରବର୍ତ୍ତୀ ଆଦେଶ ପର୍ଯ୍ୟନ୍ତ ଚାଲିବ ୩ଟି ଟ୍ରେନ୍
ଭୁବନେଶ୍ବର : ପୂର୍ବତଟ ରେଳପଥ ମଧ୍ୟ ଦେଇ ଦକ୍ଷିଣ ଭାରତକୁ ଯାତ୍ରା କରୁଥିବା ୩ଟି ବିଶେଷ ଟ୍ରେନ୍ ପରବର୍ତ୍ତୀ ଆଦେଶ ପର୍ଯ୍ୟନ୍ତ ଚଳାଚଳ କରିବା ପାଇଁ ନିଷ୍ପତ୍ତି ନିଆଯାଇଛି। ଏହି ଟ୍ରେନ୍ଗୁଡ଼ିକ ହେଲା, ଯଶୋବନ୍ତପୁର-ଭାଗଲପୁର-ଯଶୋବନ୍ତପୁର ଟ୍ରେନ୍ (୦୨୨୫୩/ ୦୨୨୫୪), ଯଶୋବନ୍ତପୁର-ଗୌହାଟୀ-ଯଶୋବନ୍ତପୁର ଟ୍ରେନ୍ (୦୬୫୭୭/ ୦୬୫୭୮), ଯଶୋବନ୍ତପୁର-ହାଓଡ଼ା-ଯଶୋବନ୍ତପୁର ଟ୍ରେନ (୦୬୫୯୭/ ୦୬୫୯୮)। ଜୁଲାଇ ଦ୍ଵିତୀୟ ସପ୍ତାହ ପର୍ଯ୍ୟନ୍ତ ତ୍ରିଭେନ୍ଦ୍ରମ ଓ ଗୌହାଟି ମଧ୍ୟରେ ବିଶେଷ ଟ୍ରେନ୍ (୦୬୧୮୫/ ୦୬୧୮୬) ଚାଲିବ। ଭଲସାଡ୍-ପୁରୀ-ଭଲସାଡ୍ ଟ୍ରେନ୍ ଗୋଟିଏ ଦିନ ପାଇଁ ପରିବର୍ତ୍ତିତ ମାର୍ଗରେ ଚାଲିବ।