ରାଜ୍ୟରେ ଖୋଲିଲା ଠିପି ଖୋଲା ମଦ ଦୋକାନ
ଭୁବନେଶ୍ବର: ରାଜ୍ୟରେ ଠିପି ଖୋଲା ମଦ ଦୋକାନ ଖୋଲିବାକୁ ସରକାର ଅନୁମତି ଦେଇଛନ୍ତି । ଏଥିସହ ମଦ ଦୋକାନଗୁଡ଼ିକୁ ହୋମ ଡେଲିଭରିର ଅନୁମତି ମଧ୍ୟ ମିଳିଛି । ଏ ନେଇ ଅବକାରୀ ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି। କେବଳ ଦୋକାନ ନୁହେଁ, ରାଜ୍ୟ ସରକାର ରେଷ୍ଟୁରାଣ୍ଟ, ହୋଟେଲ, ବିୟର ପାର୍ଲର, କ୍ଲବ୍ରେ ବସି ମଦ ପିଇବାକୁ ଅନୁମତି ମଧ୍ୟ ଦେଇଛନ୍ତି । ଫଳରେ ଦୀର୍ଘ ୯ମାସ ପରେ ଏହି ସୁବିଧା ଉପଲବ୍ଧ ହୋଇଛି।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଏଥି ପାଇଁ ଦୋକାନୀଙ୍କୁ କୋଭିଡ ନିୟମ ପାଳନ କରିବାକୁ ପଡିବ । କଣ୍ଟେନମେଣ୍ଟ ଜୋନ୍ ଭିତରେ ଥିବା ଦୋକାନୀଙ୍କୁ ଦୋକାନ ଖୋଲିବାକୁ ଅନୁମତି ମିଳିନାହିଁ । ଠିପି ଖୋଲା ମଦ ଦୋକାନ ଉପରେ ସ୍ଥାନୀୟ ପୁଲିସ୍ ଓ ଅପକାରୀ ବିଭାଗର କର୍ମଚାରୀ ନଜର ରଖିବେ । କୋଭିଡ୍ ନିୟମ ଉଲ୍ଲଙ୍ଘନ କଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।