ପୋକ ଦାଉରୁ ଖରିଫ ଫସଲକୁ ରକ୍ଷା କରିବା ପାଇଁ ୨୨ ଜିଲ୍ଲାପାଳଙ୍କୁ ଚିଠି ଲେଖିଲେ କୃଷି ସଚିବ
ଭୁବନେଶ୍ୱର: ଖରିଫ ଫସରରେ ରୋଗ ପୋକ ଲାଗି ଫସଲ ନଷ୍ଟ କରୁଥିବା ଓ ଏ ନେଇ ଚାଷୀ ଧାନ କ୍ଷେତରେ ନିଆଁ ଲଗାଇଦେବା ସହିତ ଆତ୍ମହତ୍ୟା କରିବା ପରି ଘଟଣା ଘଟିବା ପରେ କୃଷିବିଭାଗ ତତ୍ପର ହୋଇ ଉଠିଛି। ବର୍ତ୍ତମାନ ସୁଦ୍ଧା ଫସଲ ଅମଳ ହୋଇ ନ ଥିବା େଓ ରୋଗପୋକ ଦ୍ୱାରା ଫସଲ ହାନୀ ହେବାର ଆଶଙ୍କା ଥିବା ରାଜ୍ୟର ୨୨ଟି ଜିଲ୍ଲାର ଜିଲ୍ଲାପାଳଙ୍କୁ ଚିଠି ଲେଖି କୃଷି ସଚିବ ଡ. ସୌରଭ ଗର୍ଗ ତୁରନ୍ତ ସଚେତନତା କାର୍ଯ୍ୟକ୍ରମଆରମ୍ଭ କରିବା ସହିତ ଫସଲ ନଷ୍ଟ ଯେପରି ନ ହୁଏ ସେଥିପ୍ରତି ନଜର ଦେବାକୁ ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗତକାଲି କୃଷି ସଚିବ ଡ.ସୌରଭ ଗର୍ଗ ଅନୁଗୁଳ, ବାଲେଶ୍ୱର, ଭଦ୍ରକ, ବୌଦ୍ଧ,କଟକ, ଦେବଗଡ଼, ଢେଙ୍କାନାଳ, ଗଜପତି, ଯାଜପୁର, ଝାରସୁଗୁଡ଼ା,ଜଗତସିଂହପୁର,କେନ୍ଦ୍ରାପଡ଼ା, କେନ୍ଦୁଝର, ଖୋର୍ଦ୍ଧା,ମାଲକାନଗିରି, ମୟୂରଭଞ୍ଜ, ନବରଙ୍ଗପୁର,ନୟାଗଡ଼, କନ୍ଧମାଳ, ପୁରୀ, ରାୟଗଡ଼ା ଓ ସୁନ୍ଦରଗଡ଼ ଜିଲ୍ଲାର ଜିଲ୍ଲାପାଳଙ୍କୁ ଚିଠି ଲେଖି ପୋକ ଦାଉରୁ ଅମଳ ହୋଇ ନ ଥିବା ଫସଲ ବଞ୍ଚାଇବା ପାଇଁ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ଖବରକାଗଜ/ରେଡିଓ ବିଜ୍ଞାପନ ଦେବା, ଲିଫ୍ଲେଟ୍ ବାଣ୍ଟିବା, ଜିଲ୍ଲା ଓ ବ୍ଲକ୍ସ୍ତରରେ ନୋଡାଲ ଅଫିସର ନିଯୁକ୍ତି ଦେଇ ଚାଷୀମାନଙ୍କ ପାଖରେ ଯେପରି ଠିକ୍ କୀଟନାଶକ ପହଞ୍ଚିପାରିବ ତାହା ସୁନିଶ୍ଚିତ କରିବା, ନକଲି କୀଟନାଶକ ବିକ୍ରି କରୁଥିବା ଦୋକାନ/ ସଂସ୍ଥା ଉପରେ ଚଢ଼ାଉ କରିବା ସହିତ ଆଗାମୀ ରବି ଫସଲ ପାଇଁ ଚାଷୀମାନଙ୍କୁ ଉତ୍ସାହିତ କରିବାକୁ କୃଷି ସଚିବ ଡା. ଗର୍ଗ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି।