ମୁମ୍ବାଇ: ଆଜି ହେଉଛି ବଲିଉଡ଼୍ର ହାର୍ଟଥ୍ରୋବ୍ ବରୁଣ ଧଓ୍ଵନ୍ଙ୍କ ବାର୍ଥ ଡେ। ସେ ୧୯୮୭ ମସିହା ଆଜିର ତାରିଖରେ ଜନ୍ମ ହୋଇଥିଲେ। ବରୁଣ ନିଜର କ୍ୟାରିଅରରେ କେତେକ ନାୟିକାଙ୍କ ସହ କାମ କରିଛନ୍ତି। ଏବେ ବଲିଉଡ଼୍ରେଏହି ହାର୍ଟ ଥ୍ରୋବ୍ ହିରୋ ଓ ସେକ୍ସି ହିରୋଇନ୍ କାଟ୍ରିନା କୈଫ୍ଙ୍କୁ ପେଆରିଂ କରି ଏକ ଫିଲ୍ମ ନିର୍ମାଣ କରୁଛନ୍ତି ଜଣାଶୁଣା କୋରିଓଗ୍ରାଫର୍ ଟର୍ଣ୍ଣଡ଼ ଡ଼ିରେକ୍ଟର୍ ରେମୋ ଡ଼ିସୁଜା।
ସଂପ୍ରତି‘ରେସ୍-୩’ପାଇଁ ବ୍ୟସ୍ତ ଥିବା ନିର୍ଦ୍ଦେଶକ ରେମୋ ଡ଼ିସୁଜା ଏକ ଡ଼୍ୟାନ୍ସ ଉପରେ ଆଧାରିତ ଫିଲ୍ମ ନିର୍ମାଣ କରିବାକୁ ଯାଉଛନ୍ତି।ଯାହା ତାଙ୍କର ପୂର୍ବ ଫିଲ୍ମ‘ଏବିସିଡ଼ି’ଓ ‘ଏବିସିଡ଼ି-୨’ଠାରୁ ମଧ୍ୟ ଅଧିକ ବିଗ୍ବଜେଟ୍ ଓ ଭବ୍ୟ ହେବ ବୋଲି ଶୁଣାଯାଉଛି। ଏହାର ପ୍ରଯୋଜନା କରୁଛନ୍ତି ଟି-ସିରିଜ୍ର ଭୂଷଣ କୁମାର।ଏହା ଭାରତର ସବୁଠାରୁ ବଡ଼ ଡ୍ୟାନ୍ସ ଫିଲ୍ମ ହେବ ବୋଲି କୁହାଯାଉଛି।
ସବୁଠୁଁ ବଡ଼ କଥା ହେଲା ଯେ,ଏହି ସିନେମାରେ ବରୁଣ ଧଓ୍ଵନ୍ ଓ କ୍ୟାଟ୍ରିନା କୈଫ୍ଙ୍କ ଯୋଡ଼ିକୁ ଦର୍ଶକ ପ୍ରଥମଥର ପାଇଁ ଭେଟିବେ।ବରୁଣ ଆଗରୁ ତାପସୀ ପନୁ,ଜାକ୍ଲିନ୍ ଫର୍ଣ୍ଣାଣ୍ଡିଜ୍,ଅନୁଷ୍କା ଶର୍ମା,କ୍ରିତି ସାନନ୍ ଓ ଆଲିଆ ଭଟ୍ଟ ପ୍ରମୁଖ ନାୟିକାଙ୍କ ସହ ପରଦାରେ ନଜର ଆସିଛନ୍ତି।ଅପର ପକ୍ଷରେ କାଟ୍ରିନା ସଲମାନ୍ ଖାନ୍,ଶାହରୁଖ୍ ଖାନ୍,ଅମୀର୍ ଖାନ୍,ରଣବୀର୍ କପୁର୍ ଓ ରିତିକ୍ ରୋଶନ୍ଙ୍କ ଭଳି ଟପ୍ ଷ୍ଟାର୍ଙ୍କ ସହ ସ୍କ୍ରିନ୍ ସେଆର୍ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବରୁଣ୍ ଧଓ୍ଵନ୍ କାଟ୍ରିନା କୈଫ୍ଙ୍କ ସହ କାମ କରିବାକୁ ନେଇ ଖୁବ୍ ଉତ୍ସାହିତ ଅଛନ୍ତି। ସେ କହିଛନ୍ତି ଯେ,ଆଗରୁ ସେ ନ୍ୟୁୟର୍କରେ ଏକ କାର୍ଯ୍ୟକ୍ରମରେ କାଟ୍ରିନା ସହିତ ଡ଼୍ୟାନ୍ସ ପରଫର୍ମାନ୍ସ ଦେଇଥିଲେ। ତାଙ୍କ ସହିତ ସ୍କ୍ରିନ୍ ସେଆର୍ କରିବାକୁ ସେ ଉତ୍କଣ୍ଠିତ ବୋଲି କହିଛନ୍ତି। ଠିକ୍ ସେହିପରି କାଟ୍ରିନା ବି ବରୁଣଙ୍କ ସହ କାମ କରିବାକୁ ଉତ୍କଣ୍ଠିତ ଅଛନ୍ତି। ଏହି ଅନ୍ଟାଇଟଲ୍ଡ଼ ଫିଲ୍ମର ସୁଟିଂ ଚଳିତ ବର୍ଷ ଶେଷ ଭାଗରେ ଆରମ୍ଭ ହେବ ଓ ୨୦୧୯ ମସିହା ନଭେମ୍ବର ୮ ତାରିଖରେ ରିଲିଜ୍ ହେବ ବୋଲି ଜଣାଯାଇଛି। ଆଉ ଏକ ବଡ଼ କଥା ଯେ ସେ ଏହି ସିନେମାପାଇଁ ୩୨ କୋଟି ଟଙ୍କା ନେଇଥିବା କୁହାଯାଉଛି।