ବିଦ୍ୟା ବାଲନଙ୍କ ବୟାନ: ଯଦି ଲୋକମାନଙ୍କୁ ସବୁବେଳେ ‘ଡର୍ଟି ପିକ୍ଚର’ ଭଳି ଫିଲ୍ମ ଦେଖିବାର ଅଛି, ସେଥିରେ ଖରାପ କ’ଣ?
ମୁମ୍ବାଇ : ଗତକାଲି ଅନ୍ତର୍ଜାତୀୟ ମହିଳା ଦିବସ ଥିବା ବେଳେ ଏହି ଅବସରରେ ସାରା ବିଶ୍ୱରେ ମହିଳାମାନଙ୍କୁ ସମ୍ମାନିତ କରାଯାଇଥିଲା । ପ୍ରତିଟି କ୍ଷେତ୍ରରେ ମହିଳାମାନଙ୍କୁ ସମ୍ମାନ ଜଣାଇବା ପାଇଁ ସେମାନେ ହାସଲ କରିଥିବା ସଫଳତାକୁ ସମ୍ମାନ ଦିଆ ଯାଇଥିଲା । ତେବେ ଏହି ଅବସରରେ ବଲିଉଡ୍ ଅଭିନେତ୍ରୀ ବିଦ୍ୟା ବାଲନ୍ ନିଜ ଫିଲ୍ମ ‘ଡର୍ଟି ପିକ୍ଚର’କୁ ନେଇ ନିଜର ମତ ରଖିଥିଲେ । ଫିଲ୍ମ ରିଲିଜ୍ ହେବା ପରେ ଦର୍ଶକଙ୍କ ମଧ୍ୟରେ ତାଙ୍କ ଇମେଜ୍ କିଭଳି ଥିଲା ସେ ବିଷୟରେ କହିଥିଲେ ବିଦ୍ୟା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫିଲ୍ମ ‘ଡର୍ଟି ପିକ୍ଚର’ ଦକ୍ଷିଣୀ ସିନେ ଅଭିନେତ୍ରୀ ସିଲ୍କ ସ୍ମିତାଙ୍କ ଜୀବନ କାହାଣୀକୁ ନେଇ ତିଆରି କରାଯାଇଥିଲା । ଫିଲ୍ମରେ ବିଦ୍ୟାଙ୍କ ବୋଲ୍ଡ ଅନ୍ଦାଜ ଦେଖିବାକୁ ମିଳିଥିବା ବେଳେ ଫିଲ୍ମ ରିଲିଜ୍ ପରେ ବିଦ୍ୟା କେବଳ ଏଭଳି ଚରିତ୍ର ପାଇଁ ଠିକ୍ ବୋଲି ଲୋକେ କହିବାକୁ ଲାଗିଥିଲେ । ଫିଲ୍ମରେ ଥିବା ନିଜ ଚରିତ୍ର ବିଷୟରେ କହିବାକୁ ଯାଇ, “ଲୋକେ ମୋତେ ସିଲ୍କ ଆଗକୁ ବଢ଼ିବା ପାଇଁ ନିଜ ଶରୀରର ବ୍ୟବହାର କରିଥିଲେ । ତୁମେ ମଧ୍ୟ ତାହା କରୁଛ” ବୋଲି କହିଥିଲେ । ମୁଁ କହିଥିଲି, “ଯଦି ଏଭଳି ଜିନିଷ ଦେଖିବା ପାଇଁ ତୁମେ ସିନେମା ଘରକୁ ଆସୁଛ । ତେବେ ମୋତେ ଏଭଳି ଦୃଶ୍ୟ କରିବାରେ କୌଣସି ଅସୁବିଧା ନାହିଁ । କାରଣ ସିନେମା ଘରକୁ ଆସିବା ପରେ ହିଁ ଜଣେ ଜଣଙ୍କ କାହାଣୀ ଦେଖି ପାରିବ ଏବଂ ବୁଝି ପାରିବ” ।