ଏଲଏସଜିର ଅଧିନାୟକତ୍ୱ ଛାଡ଼ିବେ ନାହିଁ ରାହୁଲ, ଖଣ୍ଡନ କଲା ମ୍ୟାନେଜମେଣ୍ଟ
ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୪ର ୧୬ତମ ସିଜିନରେ ଲଖନଉ ସୁପର ଜିଆଣ୍ଟସ୍ ପାଇଁ ଅଡୁଆ ତୁଟାଇବାର ନାମ ନେଉନାହିଁ | ପଡ଼ିଆରେ ପରାଜୟର ସମ୍ମୁଖୀନ ହେବା ପରେ ଦଳର ମ୍ୟାନେଜମେଣ୍ଟ ଉପରେ ମଧ୍ୟ ପ୍ରଶ୍ନ ଉଠିଛି। ହାଇଦ୍ରାବାଦ ବିପକ୍ଷରେ ଲଜ୍ଜାଜନକ ପରାଜୟ ଏବଂ ସଞ୍ଜୀବ ଗୋଏଙ୍କାଙ୍କ ତାଗିଦ ବିବାଦ ପରଠାରୁ କେ.ଏଲ୍ ରାହୁଲଙ୍କ ଅଧିନାୟକତ୍ୱ ଉପରେ ପ୍ରଶ୍ନ ଉଠିଛି। କିଛି ଗଣମାଧ୍ୟମ ରିପୋର୍ଟରେ ଦାବି କରାଯାଇଥିଲା ଯେ ରାହୁଲ ବର୍ତ୍ତମାନ ଅଧିନାୟକତ୍ୱ ଛାଡିବେ ଏବଂ ଅବଶିଷ୍ଟ ମ୍ୟାଚ୍ ପାଇଁ ନିକୋଲାସ ପୁରନଙ୍କୁ ଅଧିନାୟକତ୍ୱ ଦିଆଯାଇପାରେ | ତେବେ ଏଲଏସଜି ମ୍ୟାନେଜମେଣ୍ଟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହି ସମୟରେ ସେମାନେ ଅଧିନାୟକଙ୍କୁ ହଟାଇବା ବିଷୟରେ ଆଦୌ ଚିନ୍ତା କରୁନାହାଁନ୍ତି। ସେ କହିଛନ୍ତି ଯେ ବର୍ତ୍ତମାନ ଦଳର ଧ୍ୟାନ ପ୍ଲେ ଅଫ୍ ଉପରେ ରହିଛି।
Sambad is now on WhatsApp
Join and get latest news updates delivered to you via WhatsApp
ମ୍ୟାନେଜମେଣ୍ଟ ପକ୍ଷରୁ କୁହାଯାଇଛି ଯେ “ଆମେ କାହିଁକି ଆମର ଅଧିନାୟକଙ୍କୁ ଇସ୍ତଫା ଦେବାକୁ କହିବୁ ଏବଂ ଏହା କରିବାର ଆବଶ୍ୟକତା କ’ଣ? ଆମେ ଆମର ପରବର୍ତ୍ତୀ ମ୍ୟାଚ୍ ବିଷୟରେ ଚିନ୍ତା କରୁଛୁ। ଅଧିନାୟକତ୍ୱରେ ପରିବର୍ତ୍ତନ ହେବାର ପ୍ରଶ୍ନ ନାହିଁ।” ଉଲ୍ଲେଖ ଥାଉ କି ଆଇପିଏଲ୍ ୨୦୨୪ରେ ବୁଧବାର ଲଖନଉ ସୁପର ଜାଏଣ୍ଟସ୍ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଏକ ମ୍ୟାଚ୍ ହୋଇଥିଲା | ଏହି ମ୍ୟାଚରେ ଲଖନଉ ପରାଜୟର ସ୍ୱାଦ ଚାଖିଥିଲା | ପ୍ରଥମେ ବ୍ୟାଟିଂ କରି ଲଖନଉ ମାତ୍ର ୧୬୫ ରନ୍ ସଂଗ୍ରହ କରିଥିଲା। ଏହାର ଜବାବରେ ହାଇଦ୍ରାବାଦ ୧୦ ଓଭର ମଧ୍ୟରେ ମ୍ୟାଚ୍ ଜିତିଥିଲା। ମ୍ୟାଚ୍ ପରେ ଲଖନଉ ସୁପର ଜାଏଣ୍ଟସ୍ ମାଲିକ ସଂଜୀବ ଗୋଏଙ୍କା କ୍ଷୁବ୍ଧ ଭାବରେ ଅଧିନାୟକ କେ.ଏଲ୍ ରାହୁଲଙ୍କ ସହିତ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା। ଏହାପରେ ଚର୍ଚ୍ଚା ଜୋର ଧରିଥିଲା ଯେ କେଏଲ ରାହୁଲ ଅଧିନାୟକତ୍ୱ ଛାଡ଼ିଦେବେ ଆଉ ତାଙ୍କୁ ଅଧିନାୟକ ପଦରୁ ହଟିଯିବାକୁ କାଳେ କୁହାଯାଇଛି | ତେବେ ଆଜି ଏଲଏସଜି ପକ୍ଷରୁ ଏହାକୁ ଖଣ୍ଡନ କରାଯାଇଛି |