ବିବାହର ୩୪ ବର୍ଷ ପରେ ପାକିସ୍ତାନୀ ମହିଳା ପାଇଲେ ଭାରତୀୟ ନାଗରିକତା
ମୁଜଫରନଗର: ଉତ୍ତର ପ୍ରଦେଶର ମୁଜଫରନଗରରୁ ଆସିଛି ଏକ ଚମକପ୍ରଦ ଖବର। ବିବାହର ୩୪ ବର୍ଷ ପରେ ପାକିସ୍ତାନରୁ ଭାରତ ଆସିଥିବା ଜଣେ ମହିଳାଙ୍କୁ ମିଳିଛି ଭାରତୀୟ ନାଗରିକର ସ୍ବୀକୃତି।ଭାରତୀୟ ନାଗରିକତା ହାସଲ କରିଥିବା ଏହି ମହିଳାଙ୍କ ନାମ ହେଲା ଜୁବୈଦା ବେଗମ ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନୀ ମହିଳା ଜୁବୈଦା ବେଗମ ଭାରତୀୟ ନାଗରିକତା ପ୍ରାପ୍ତି ହେବା ପରେ ସେ ବହୁତ ଖୁସି ଅନୁଭବ କରୁଛନ୍ତି ବୋଲି କହିଛନ୍ତି । ଜୁବୈଦା ବେଗମ ଗଣମାଧ୍ୟମକୁ କହିଛନ୍ତି ଯେ ସେ ହେଉଛନ୍ତି ମୂଳ ରୂପରେ ଜଣେ ପାକିସ୍ତାନୀ, କିନ୍ତୁ ଭାରତରେ ବହୁ ବର୍ଷଧରି ରହୁଛନ୍ତି । ତାଙ୍କର ବିବାହକୁ ଏହା ଭିତରେ ୩୪ ବର୍ଷ ହୋଇଯାଇଛି ।
Muzaffarnagar: Zubaida Begum – hailing from Pakistan, & married to an Indian citizen, was granted Indian citizenship last week, after 34 yrs of her marriage. She says, “We ran from pillar to post, in Lucknow & Delhi. Now I feel good. I should’ve been granted this earlier.”(05.10) pic.twitter.com/GoCQpcUlZy
— ANI UP (@ANINewsUP) October 6, 2019
ଜୁବୈଦା ବେଗମ ଆହୁରି ମଧ୍ୟ କହିଛନ୍ତି ଯେ ସେ ଜଣେ ଭାରତୀୟଙ୍କୁ ବିବାହ କରିଥିଲେ । ଏହା ୩୪ ବର୍ଷ ତଳର ଘଟଣା । ଭାରତର ନାଗରିକତା ହାସଲ କରିବା ପାଇଁ ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌଠାରୁ ଦିଲ୍ଲୀ ପର୍ଯ୍ୟନ୍ତ ବିଭିନ୍ନ କାର୍ଯ୍ୟାଳୟକୁ ଦୌଡ଼ିଥିଲେ । ଅବଶେଷରେ ୩୪ ବର୍ଷ ପରେ ସେ ଗତ ସପ୍ତାହରେ ନାଗରିକତା ପ୍ରମାଣପତ୍ର ପାଇବାରେ ସଫଳ ହୋଇଛନ୍ତି ।