ନୂଆଦିଲ୍ଲୀ: ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ କେରଳର ଏକ ପୁଲିସ ଷ୍ଟେସନରେ ହାତୀ ଓ ହାତୀ ଛୁଆ ପହଞ୍ଚି ଦ୍ବାର ଭାଙ୍ଗି ଦେଇଥିବା ଦେଖିବାକୁ ମିଳୁଛି। କେରଳର ପଲକ୍କଡ ଜିଲ୍ଲାର ପରମ୍ବିକୁଲମ ପୁଲିସ ଷ୍ଟେସନରେ ଏହି ଘଟଣା ଘଟିଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାର ଭିଡିଓରେ ହାତୀ ଏବଂ ତାର ଛୁଆ ପୁଲିସ ଷ୍ଟେସନରେ ଲାଗିଥିବା ଲୁହା ଗ୍ରିଲ ଦ୍ବାରକୁ ଭାଙ୍ଗି ପ୍ରବେଶ କରିବାକୁ ଚେଷ୍ଟା କରୁଥିବା ଦେଖିବାକୁ ମିଳୁଛି। ହାତୀ ଓ ତାର ଛୁଆର ଆକ୍ରମଣରେ ଲୁହା ଗ୍ରିଲ କ୍ଷତିଗ୍ରସ୍ତ ହୋଇଥିବା ନଜରକୁ ଆସିଛି।
പറമ്പിക്കുളം പോലീസ് സ്റ്റേഷനിൽ എത്തിയ അമ്മയും കുഞ്ഞും ചെയ്തതെന്തന്നറിയാൻ വീഡിയോ കാണുക.#keralapolice pic.twitter.com/ZYZVkYH1G9
— Kerala Police (@TheKeralaPolice) January 2, 2022
ଏହି ଭିଡିଓକୁ କେରଳ ପୁଲିସ ଟ୍ୱିଟରରେ ପୋଷ୍ଟ କରି ମାଲାୟାଲମରେ କ୍ୟାପସନରେ ଲେଖିଛି ଯେ ପରମ୍ବିକୁଲମ ପୁଲିସ ଷ୍ଟେସନରେ ପହଞ୍ଚିବା ପରେ ମା ଏବଂ ଶିଶୁ କ’ଣ କରିଛନ୍ତି। ଏହା ଜାଣିବା ପାଇଁ ଭିଡିଓ ଦେଖନ୍ତୁ।
ଜାନୁଆରି ୨ ରେ ପୋଷ୍ଟ ହୋଇଥିବା ଏହି ଭିଡିଓକୁ ଏଯାବତ ୩୦୦୦ରୁ ଅଧିକ ଲୋକ ଦେଖି ସାରିଥିବା ବେଳେ ଅନେକ ଲୋକ ମଜାଳିଆ ପ୍ରତିକ୍ରିୟା ବି ଦେଇଛନ୍ତି।