ଏବେ ଆପଣ ହ୍ଵାଟ୍ସଆପ୍ରେ ଚାଟ୍ର ସ୍କ୍ରିନ୍ସଟ୍ ନେଇ ପାରିବେ ନାହିଁ, ଏହି ଫିଚର ହେଉଛି କାରଣ
ନୂଆଦିଲ୍ଲୀ : ନିଜ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟକୁ ସୁରକ୍ଷିତ ରଖିବା ପାଇଁ ହ୍ଵାଟ୍ସଆପ୍ ଏବେ ଖୁବ୍ ଶୀଘ୍ର ଏକ ନୂଆ ଫିଚର ଆଣିବାକୁ ଯାଉଛି । ଏହି ଫିଚର ଆସିବା ପରେ ବ୍ୟବହାରକାରୀ ଚାଟ୍ର ସ୍କ୍ରିନ୍ସଟ୍ ନେଇ ପାରିବେ ନାହିଁ । ସୂଚନ ମୁତାବକ, କିଛି ଦିନ ପୂର୍ବରୁ କମ୍ପାନି ନିଜ ଆଣ୍ଡ୍ରଏଡ୍ ଆପ୍ ପାଇଁ ଫିଙ୍ଗରପ୍ରିଣ୍ଟ ଅଥେଣ୍ଟିକେସନ ଉପରେ କାମ କରୁଥିଲା । ଏହି ଫିଙ୍ଗରପ୍ରିଣ୍ଟ ଅଥେଣ୍ଟିକେସନରେ ଏକ ଫଙ୍କ୍ସନ୍କୁ ଯୋଡ଼ାଯିବ । ଯାହା ଆକ୍ଟିଭ୍ ହେବା ପରେ ବ୍ୟବହାରକାରୀମାନେ ଚାଟ୍ର ସ୍କ୍ରିନ୍ସଟ୍ ନେବା ପାଇଁ ଅସମର୍ଥ ହେବେ ।
Sambad is now on WhatsApp
Join and get latest news updates delivered to you via WhatsApp
ଏହି ସୂଚନା ଦେଇଥିବା ଓ୍ଵାବେଟାଇନ୍ଫୋ ଅନୁଯାୟୀ, ହ୍ଵାଟ୍ସଆପ୍ର ଏହି ଫିଚରକୁ ଯେଉଁ ବ୍ୟବହାରକାରୀମାନେ ଆକ୍ଟିଭ୍ କରିବେ, ସେମାନେ ନିଜ ଚାଟ୍ର ସ୍କ୍ରିନ୍ସଟ୍ ନେଇ ପାରିବେ ନାହିଁ । କିନ୍ତୁ ଯାହାଙ୍କ ସହ ସେମାନେ ଚାଟ୍ କରୁଥିବେ, ଯଦି ସେମାନେ ଏହି ଫିଚରକୁ ଆକ୍ଟିଭ୍ କରି ନାହାନ୍ତି । ତେବେ ସେମାନେ ଚାଟ୍ର ସ୍କ୍ରିନ୍ସଟ୍ ନେଇ ପାରିବେ । ଏହି ଖବର ଆସିବା ପରେ ଏହା ବ୍ୟବହାରକାରୀଙ୍କୁ କୌଣସି ପ୍ରକାରର ସାହାଯ୍ୟ କରିବ ନାହିଁ ବୋଲି ମତ ରଖିଛନ୍ତି ବ୍ୟବହାରକାରୀ ।