ସୁବର୍ଣ୍ଣପୁର: ହୀରାକୁଦ କେନାଲ ପାଶ୍ୱର୍ରୁ ଯୁବକଙ୍କ ମୃତଦେହ ଉଦ୍ଧାର, ପରିବାର ଲୋକେ ଆଣିଲେ ହତ୍ୟା ଅଭିଯୋଗ
ବିନିକା: ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ କଉଡ଼ିଆମୁଣ୍ଡା ଗ୍ରାମର ଜଣେ ଯୁବକଙ୍କ ମୃତଦେହ ଆଜି ସକାଳୁ ହୀରାକୁଦ କେନାଲ ବ୍ରିଜ ପାଶ୍ୱରୁ ଉଦ୍ଧାର ହୋଇଛି । ମୃତକ ହେଲେ ଶେଷଦେବ ରାଉତ (୪୫) । ମୃତ୍ୟୁର ପ୍ରକୃତ କାରଣ ଜଣାପଡ଼ି ନଥିବା ବେଳେ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଥାନାରେ ହୋଇଥିବା ଅଭିଯୋଗ ଅନୁସାରେ ପରିବାର ଗାଁ ଲୋକଙ୍କ ଠାରୁ ସୂଚନା ପାଇଁ ପରିବାର ଲୋକେ ଆଜି ସକାଳୁ ଶେଷଦେବଙ୍କ ମୃତଦେହ କେନାଲ ପାଶ୍ୱର୍ରୁ ଉଦ୍ଧାର କରିଥିଲେ । ବିନିକା ଆଇଆଇସି କୁଶ ପାଣିଗ୍ରାହୀ କହିଛନ୍ତି, ମୃତକଙ୍କ ବଡ଼ ଭାଇ କୁମର ରାଉତଙ୍କ ଠାରୁ ଲିଖିତ ଅଭିଯୋଗ ମିଳିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା କରିବା ସହ ଏକ ମୋଟର ସାଇକେଲ ଓ ମୋବାଇଲ ଫୋନ ଜବତ କରିଥିଲା ।
ଆଇଆଇସି କହିଛନ୍ତି, ଶେଷଦେବ ରବିବାର ରାତି ପ୍ରାୟ ୮ଟାରେ ବାଇକରେ ବାହାରକୁ ଯାଇଥିଲେ ଏବଂ ସେ ଫେରି ନଥିଲେ । ଘର ଲୋକେ ଫୋନ କରିଥିଲେ ମଧ୍ୟ ଶେଷଦେବ ଉଠାଇ ନଥିଲେ । ଆଜି ସକାଳୁ କେନାଲ ପାଶ୍ୱର୍ରେ ମୃତଦେହ ଠାବ କରି ଥାନାକୁ ଖବର ଦେଇଥିଲେ । ସୋନପୁର ଅତିରିକ୍ତ ଏସ୍ପି ରମେଶ କୁମାର ପାଣିଗ୍ରାହୀ ଓ ବଲାଙ୍ଗୀର ସାଇଟିଫିକ ଟିମ ଘଟଣାସ୍ଥଳକୁ ପହଞ୍ଚିଛନ୍ତି । ପୋଲିସ ଅଧିକ ତଦନ୍ତ କରୁଛି ବୋଲି କହଛନ୍ତି ବିନିକା ଥାନା ଏସଆଇ ସୂର୍ଯ୍ୟକାନ୍ତ ସେଠୀ ।