ସାବତ ଭଉଣୀ ଅଂଶୁଲାଙ୍କୁ ନେଇ ଭାବବିହ୍ଵଳ ହେଲେ ଜାହ୍ନବୀ କପୁର: ଲେଖିଲେ ତୁମେ ଭାବି ପାରିବନି…ମୁଁ ତୁମକୁ କେତେ ଭଲପାଏ !
ମୁମ୍ବାଇ : ସାବତ ଭଉଣୀ ଅଂଶୁଲାଙ୍କ ଜନ୍ମଦିନ ଅବସରରେ ଜାହ୍ନବୀ ନିଜ ଇନ୍ଷ୍ଟା ଆକାଉଣ୍ଟକୁ ଯାଇ ଭଉଣୀକୁ ଜନ୍ମଦିନର ଶୁଭେଚ୍ଛା ଜଣାଇଥିଲେ । ନିଜ ସହ ଅଂଶୁଲାଙ୍କ ଏକ ଫଟୋ ସେୟାର କରିବା ସହ ଏକ ଭାବବିହ୍ଵଳ କରିବା ଭଳି ପୋଷ୍ଟ ଲେଖିଥିଲେ ଜହ୍ନବୀ । ଜାହ୍ନବୀଙ୍କର ନିଜ ଭଉଣୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇବାର ଅନ୍ଦାଜ ତାଙ୍କ ପ୍ରଶଂସକଙ୍କୁ ଖୁବ୍ ପସନ୍ଦ ଆସିଥିଲା ।
Sambad is now on WhatsApp
Join and get latest news updates delivered to you via WhatsApp
ସେ ଲେଖିଥିଲେ, ତୁମ ପାଇଁ ଆମେ ସମସ୍ତେ ସୁରକ୍ଷିତ ଅନୁଭବ କରିବା ସହ ମା’ଙ୍କ ପରେ ତାଙ୍କଠାରୁ ଆମକୁ ଭଲ ପାଇବା ମିଳିଛି । ମୁଁ ତୁମକୁ ଏତେ ଭଲପାଏ । ଯାହା ବିଷୟରେ ତୁମେ କେବେ କଳ୍ପନା ବି କରି ନଥିବ । ଘରେ ତୁମେ ସମସ୍ତଙ୍କର ପସନ୍ଦ । ତୁମେ ସମସ୍ତଙ୍କୁ ଭଲ ପାଇବା ଦେବା ସହ ପରିବାରକୁ ଏକାଠି କରି ରଖିଛ ।
ପୋଷ୍ଟ କରିଥିବା ଫଟୋରେ ଅଂଶୁଲା ଜାହ୍ନବୀଙ୍କ କେଶ ସଜାଉଥିବା ଦେଖା ଯାଇଛି । ଏହା ସହ ବିଭିନ୍ନ ପାର୍ଟିର ଫଟୋ ମଧ୍ୟ ଜାହ୍ନବୀ ସେୟାର କରିଥିଲେ, ଯେଉଁଥିରେ ଅଂଶୁଲା ଏବଂ ଜାହ୍ନବୀଙ୍କ ମଧ୍ୟରେ ଥିବା ଭଲ ପାଇବା ଜଣା ପଡ଼ି ଯାଇଥିଲା ।