ମାସକୁ ୯ ହଜାର ଫୋନ ନମ୍ବର, ୫୦୦ ଇମେଲ ଆକାଉଣ୍ଟ ଉପରେ ନଜର ରଖୁଥିଲେ କଂଗ୍ରେସ ସରକାର
ନୂଆଦିଲ୍ଲୀ : ଲୋକମାନଙ୍କ ସ୍ମାର୍ଟଫୋନ ଓ କମ୍ପ୍ୟୁଟର ଉପରେ ନଜର ରଖିବା ପାଇଁ ମୋଦି ସରକାର ଗୁଇନ୍ଦା ସଂସ୍ଥାମାନଙ୍କୁ ଦେଇଥିବା ନିର୍ଦ୍ଦେଶକୁ ନେଇ କଂଗ୍ରେସ ଓ ବିରୋଧୀଦଳମାନେ ପ୍ରଶ୍ନ ଉଠାଉଥିବାବେଳେ ନିଜେ କଂଗ୍ରେସ ହିଁ କ୍ଷମତାରେ ଥିବାବେଳେ ଏହି ନିର୍ଦ୍ଦେଶ ଜାରି କରିଥିଲା ବୋଲି ବିଜେପି କହୁଛି ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ ଅନୁସାରେ କଂଗ୍ରେସ ଶାସନ କ୍ଷମତାରେ ଥିବାବେଳେ ପ୍ରତିମାସରେ ପ୍ରାୟ ୭୫୦୦ରୁ ୯୦୦୦ ଟି ଫୋନ ନମ୍ବର ଓ ୩୦୦ରୁ ୫୦୦ ଇମେଲ ଆକାଉଣ୍ଟଉପରେ ଗୋପନରେ ନଜର ରଖୁଥିଲେ । ୨୦୧୩ରେ ପ୍ରସେନଜିତ ମଣ୍ଡଲନାମକ ବ୍ୟକ୍ତି ଏହି ଆରଟିଆଇ ଆବେଦନ କରିଥିଲେ ।
କେନ୍ଦ୍ର ଗୃହମନ୍ତ୍ରାଳୟ ପକ୍ଷରୁ ଏହି ତଥ୍ୟ ଦିଆଯାଇଥିଲା । ଏହି ଆରଟିଆଇ ଉତ୍ତରରେ କୁହାଯାଇଛି ଯେ ୧୦ଟି କେନ୍ଦ୍ରୀୟ ଏଜେନ୍ସିଙ୍କୁ ଏହି କାମରେ ଲଗାଯାଇଥିଲା । ଏହି ଏଜେନ୍ସିମାନଙ୍କ ମଧ୍ୟରେ ରହିଛନ୍ତି ସିବିଆଇ, ଆଇବି, ର, ଇଡି, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ, ଦିଲ୍ଲୀ ପୁଲିସ ଓ ଏନଆଇଏ ।