ପୁଲିସ ଡ଼ିଏସପିଙ୍କୁ ନେଇ ତେଜିଲା ରାଜନୀତି, ବିଜେପି-କଂଗ୍ରେସ ମୁହାଁମୁହିଁ
ଶ୍ରୀନଗର: ଜାମ୍ମୁକାଶ୍ମୀର ପୁଲିସ ଡ଼ିଏସପିଙ୍କ ମାମଲାରେ ସରଗରମ ହୋଇଛି ରାଜନୀତି । ମୁହାଁମୁହିଁ ହୋଇଛନ୍ତି ବିଜେପି-କଂଗ୍ରେସ | ଜାମ୍ମୁକାଶ୍ମୀର କୁଲଗାମରୁ ଗିରଫ ହୋଇଥିବା ପୁଲିସ ଡ଼ିଏସପି ଦେବେନ୍ଦ୍ର ସିଂଙ୍କ ମାମଲାରେ ରାଜନୀତି ଜୋର ଧରୁଛି । ପ୍ରଥମେ ଏହି ପ୍ରସଙ୍ଗରେ କଂଗ୍ରେସ, ବିଜେପିକୁ ଟାର୍ଗେଟ କରିବା ସହ ସୁରକ୍ଷାକୁ ନେଇ ପ୍ରଶ୍ନ ଉଠାଇଥିଲା । ଏବେ ପାଲଟା ଆକ୍ରମଣ କରି କଂଗ୍ରେସ, ହିନ୍ଦୁଙ୍କୁ ଆତଙ୍କବାଦୀ ଘୋଷଣା କରିବାକୁ ଚାହୁଁଛି ବୋଲି ବିଜେପି କହିଛି ।
Sambad is now on WhatsApp
Join and get latest news updates delivered to you via WhatsApp
ଆତଙ୍କବାଦ ପ୍ରସଙ୍ଗରେ ଧର୍ମକୁ ନେଇ ରାଜନୀତି କରୁଛି ବୋଲି କହିବା ସହ କଂଗ୍ରେସ ପାକିସ୍ତାନର ପକ୍ଷ ନେଉଥିବା କହିଛନ୍ତି ବିଜେପି ମୁଖପାତ୍ର ସମ୍ବିତ ପାତ୍ର । ଏହା ପୂର୍ବରୁ କଂଗ୍ରେସ ନେତା ଅଧିର ରଂଜନ ଚୌଧୁରୀ କହିଥିଲେ, ଦେବେନ୍ଦ୍ର ସିଂ ଯଦି ଦେବେନ୍ଦ୍ର ଖାନ ହୋଇଥାନ୍ତେ ତେବେ ଆରଏସଏସର ଟ୍ରଲ ପାର୍ଟି ତାଙ୍କୁ ନେଇ ଅଧିକ ପ୍ରତିକ୍ରିୟାଶୀଳ ହୋଇଥାନ୍ତେ । କିନ୍ତୁ ଦେଶର ଶତ୍ରୁମାନଙ୍କୁ ସେମାନଙ୍କ ଜାତି ଓ ଧର୍ମ ଦେଖି ବାଛବିଚାର କରିବା ଉଚିତ ନୁହେଁ । ଅପରପକ୍ଷରେ ଦେବେନ୍ଦ୍ର ସିଂଙ୍କୁ ଗିରଫ କରିବା ପ୍ରସଙ୍ଗର ରାଜନୀତିକରଣକୁ ନାପସନ୍ଦ କରାଯାଇଛି ।
ଏଠାରେ ସୂଚନା ଥାଉ କି ଶନିବାର ବିଳମ୍ବିତ ରାତିରେ ଶ୍ରୀନଗର ଅଭିମୁଖେ ଦ୍ରୁତ ଗତିରେ ବଢିଚାଲିଥିଲା ଆଇ୍-ଟେନ୍ ଗାଡି ଏବଂ ଗୁଇନ୍ଦା ସୂଚନା ଅନୁଯାୟୀ ଏହି ଗାଡିର ପିଛା କରୁଥିଲେ ପୁଲିସ ଡିଆଇଜି ଅତୁଲ ଗୋୟଲ । ଏହି ଗାଡିରେ ଡ଼ିଏସପି ଦେବେନ୍ଦ୍ର ସିଂଙ୍କ ସହ ଥିଲା ହିଜବୁଲ ମୁଜାହିଦ୍ଦିନର ନମ୍ବର ଟୁ କୁହାଯାଉଥିବା ନଭିଦ ବାବୁ ଓ ରଫି । ମିଳିଥିବା ସୂଚନା ଅନୁସାରେ ଏମାନଙ୍କୁ ଖସାଇ ଦେବା ପାଇଁ ୧୨ଲକ୍ଷ ଟଙ୍କାର ଡିଲ୍ କରିଥିଲେ ଦେବେନ୍ଦ୍ର ସିଂ । ତେବେ ଜବାହାର ଟନେଲ ପୂର୍ବରୁ ଏମାନଙ୍କୁ ଗିରଫ କରାଯାଇଥିଲା । ପୁଲିସର କହିବା ମୁତାବକ ଜବାହାର ଟନେଲ ଅତିକ୍ରମ କରିଯାଇଥିଲେ ଏମାନଙ୍କୁ ଗିରଫ କରିବା କଷ୍ଟକର ହୋଇପଡିଥାନ୍ତା ।