ଜେରୁଜେଲମ: ରବିବାର ଦକ୍ଷିଣ ସିରିଆର ବିଭିନ୍ନ ସ୍ଥାନରେ ଇସ୍ରାଏଲ ଏୟାର ଷ୍ଟ୍ରାଇକ୍ କରିଛି। ଏହି ଆକ୍ରମଣରେ ଜଣେ ସିରିଆ ସୈନିକଙ୍କ ମୃତ୍ୟୁ ଘଟିଛି। ଷ୍ଟେଟ ନ୍ୟୁଜ୍ ଏଜେନ୍ସି ସାନା କହିଛି ଯେ ଇସ୍ରାଏଲ୍ ଅଧିକୃତ ଗୋଲାନ୍ ହାଇଟ୍ସ ଦିଗରୁ ଆସିଥିବା କିଛି କ୍ଷେପଣାସ୍ତ୍ରକୁ ବାୟୁ ପ୍ରତିରକ୍ଷା ପ୍ରଣାଳୀ ଦ୍ବାରା ଗୁଳି କରି ଖସାଇ ଦିଆଯାଇଥିଲା। ବ୍ରିଟେନରେ ଅବସ୍ଥିତ ସିରିଆ ଅବଜରଭେଟରୀ ଫର ହ୍ୟୁମାନ୍ ରାଇଟ୍ସର ଜଣେ ଅଧିକାରୀ କହିଛନ୍ତି ଯେ ଦମ୍ମେସକର ଉତ୍ତର-ପୂର୍ବରେ ଥିବା କାଲାମୁନ୍ ପର୍ବତରେ ଇସ୍ରାଏଲ୍ ମଧ୍ୟ ଦୁଇଟି ସାମରିକ ଶିବିର ଉପରେ ଆକ୍ରମଣ କରା ଯାଇଛି।
Sambad is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ଇସ୍ରାଏଲ୍ ସୈନ୍ୟବାହିନୀ କହିଛି ଯେ ଗତ ପାଞ୍ଚ ମାସ ମଧ୍ୟରେ ହିଜବୁଲ ଶିବିର ଉପରେ ୪୫୦୦ ଏୟାର ଷ୍ଟ୍ରାଇକ୍ କରିଛି, ସେଥିମଧ୍ୟରୁ ଅଧିକାଂଶ ଲେବାନନରେ ଥିବାବେଳେ କିଛି ସିରିଆରେ ରହିଛି।
ବର୍ତ୍ତମାନ ଯୁଦ୍ଧ ମଧ୍ୟରେ ଅସ୍ତ୍ରବିରତି ଉଲ୍ଲଂଘନ ବିଷୟରେ ସଙ୍କେତ ମିଳୁଛି ବୋଲି କୁହାଯାଉଛି। କାତାରରେ ଉପସ୍ଥିତ ଥିବା ଇସ୍ରାଏଲ୍ ଗୁପ୍ତଚର ସଂସ୍ଥାର ମୁଖ୍ୟ ଡେଭିଡ ବର୍ନିଆ କତାର ପ୍ରଧାନମନ୍ତ୍ରୀ ଏବଂ ଇଜିପ୍ଟର ଅଧିକାରୀମାନଙ୍କୁ ଭେଟିବା ପରେ ସେ ଏହା ସୂଚିତ କରିଛନ୍ତି।
ଗାଜାରେ ଏପର୍ଯ୍ୟନ୍ତ ଯୁଦ୍ଧରେ ନିହତ ହୋଇଥିବା ଲୋକଙ୍କ ସଂଖ୍ୟା ୩୧,୫୫୩କୁ ବୃଦ୍ଧି ପାଇଛି। ଶନିବାର ୱେଷ୍ଟ ବ୍ୟାଙ୍କରେ ଇସ୍ରାଏଲର ସୁରକ୍ଷା ବାହିନୀ ଜଣେ ଯୁବକଙ୍କୁ ହତ୍ୟା କରିଛନ୍ତି। ଏହା ବ୍ୟତୀତ ଲେବାନନରେ ଇସ୍ରାଏଲର ଏୟାର ଷ୍ଟ୍ରାଇକରେ ଦୁଇ ହମାସ ନେତାଙ୍କ ମୃତ୍ୟୁ ଘଟିଥିବା କୁହାଯାଉଛି।