ଜେଏନୟୁରେ ଲଜ୍ଜା : କ୍ୟାମ୍ପସ ଭିତରେ ପିଏଚଡି ଛାତ୍ରୀଙ୍କୁ ଅପହରଣ କରି ଦୁଷ୍କର୍ମ ଉଦ୍ୟମ
ନୂଆଦିଲ୍ଲୀ : ଦେଶର ପ୍ରତିଷ୍ଠିତ ବିଶ୍ବବିଦ୍ୟାଳୟ ଜେଏନୟୁରେ ସୋମବାର ରାତିରେ ଏକ କଳଙ୍କିତ ଘଟଣା ଘଟିଛି । ଜଣେ ପିଏଚଡି ଛାତ୍ରୀ ବିଳମ୍ବିତ ରାତିରେ ବିଶ୍ବବିଦ୍ୟାଳୟ କ୍ୟାମ୍ପସରେ ବୁଲୁଥିବାବେଳେ ତାଙ୍କୁ ଦୁଷ୍କର୍ମ ଉଦ୍ୟମ ହୋଇଛି । ଏ ନେଇ ଦିଲ୍ଲୀର ବସନ୍ତକୁଞ୍ଜ ଥାନାରେ ଏକ ମାମଲା ରୁଜ୍ଜୁ ହୋଇଥିବାବେଳେ ବିଶ୍ବବିଦ୍ୟାଳୟ କର୍ତ୍ତୃପକ୍ଷଙ୍କ ପକ୍ଷରୁ କିନ୍ତୁ ଏ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ସ୍ତରର ଗଣମାଧ୍ୟମ ସୁତ୍ରରୁ ମିଳିଥିବା ରିପୋର୍ଟ ଅନୁସାରେ ସୋମବାର ରାତି ୧୧ଟା ୪୫ ସମୟରେ ଜଣେ ପିଏଚଡି ଛାତ୍ରୀ କ୍ୟାମମ୍ପ ଭିତରେ ବୁଲୁଥିଲେ । ସେ ଇଷ୍ଟ ଗେଟ୍ ରୋଡ ଆଡ଼କୁ ଯିବାବେଳେ କ୍ୟାମ୍ପସ ଭିତରୁ ଜଣେ ଯୁବକ ଏକ ବାଇକରେ ଆସି ତାଙ୍କୁ ଅଟକାଇବା ସହ କ୍ୟାମ୍ପସ ଭିତରେ ଥିବା ବୁଦା ମଧ୍ୟକୁ ଜବରଦସ୍ତି ଟାଣି ନେଇଥିଲା । ସେଠାରେ ସେ ଛାତ୍ରୀଙ୍କ ପୋଷାକ ଚିରିବା ସହ ଦୁଷ୍କର୍ମ ଉଦ୍ୟମ କରିଥିଲା । ତେବେ ଛାତ୍ରୀ ଜଣକ ଜୋରରେ ପାଟି କରିବାରୁ ସଂପୃକ୍ତ ଯୁବକ ସେଠାରୁ ପଳାଇଯାଇଥିଲା । ଗଲା ବେଳେ ସେ ଛାତ୍ରୀଙ୍କ ମୋବାଇଲ ନେଇଯାଇଥିବା କୁହାଯାଉଛି ।
ସଂପୃକ୍ତ ଛାତ୍ରୀଙ୍କ ବିଶ୍ବ ବିଦ୍ୟାଳୟର ସୁରକ୍ଷା କର୍ମୀମାନେ ଉଦ୍ଧାର କରି ହଷ୍ଟେଲକୁ ଆଣିଥିଲେ । ତାଙ୍କ ଦେହର କେତେକ ସ୍ଥାନରେ କ୍ଷତ ଚିହ୍ନ ରହିଛି । କିନ୍ତୁ ସେ ଏବେ ହଷ୍ଟେଲରେ ହିଁ ଅଛନ୍ତି । ସେ ଗଭୀର ମାନସିକ ଆଘାତ ପାଇଥିବା ଜେଏନୟୁ ଛାତ୍ରସଂଘର ସଭାପତି ଆଇସି ଘୋଷ କହିଛନ୍ତି ।