ଶିକ୍ଷକଙ୍କ ଶୃଙ୍ଖଳା ଅଭାବ: ମୁଖ୍ୟମନ୍ତ୍ରୀଙ୍କ ଭୋଜିରେ ଖାଇବା ପାଇଁ ଧସ୍ତାଧସ୍ତି ହେଲେ ଶିକ୍ଷକ
ଚଣ୍ଡୀଗଡ଼: ପିଲାମାନଙ୍କୁ କେବଳ ପାଠ ପଢ଼ାଇବା ଶିକ୍ଷକମାନଙ୍କର ଦାୟିତ୍ୱ ହୋଇନଥାଏ ବରଂ ଛାତ୍ରଛାତ୍ରୀମାନଙ୍କୁ ଶୃଙ୍ଖଳା ଜ୍ଞାନ ସହ ନିୟମ ପାଳନ ଶିଖାଇବା ମଧ୍ୟ ଶିକ୍ଷକ/ଶିକ୍ଷୟତ୍ରୀମାନଙ୍କ ଉପରେ ନ୍ୟସ୍ତ ଥାଏ | କିନ୍ତୁ ଶିକ୍ଷକମାନେ ଯେତେବେଳେ ନିଜେ ଶୃଙ୍ଖଳାକୁ ଅନୁସରଣ କରିବେ ନାହିଁ, ତେବେ ତ କଥା ସରିଲା | ପଞ୍ଜାବରେ କିଛି ଏଭଳି ଦୃଶ୍ୟ ଦେଖିବାକୁ ମିଳିଥିଲା, ଯେଉଁଠାରେ ଶିକ୍ଷକମାନେ ପରସ୍ପର ସହ ଧସ୍ତାଧସ୍ତି ହୋଇଛନ୍ତି | ଏହି ଘଟଣାର ଭିଡିଓ ଭାଇରାଲ ହେବା ପରେ ଏବେ ଏହାକୁ ନେଇ ଚର୍ଚ୍ଚା ଜୋର ଧରିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ ବିଦ୍ୟାଳୟ ଶିକ୍ଷାର ଉନ୍ନତି ସଂପର୍କରେ ଏହି ବୈଠକ କରିଥିଲେ। ଏହି ବୈଠକରେ ସରକାରୀ ବିଦ୍ୟାଳୟର ଶିକ୍ଷକ ଓ ପ୍ରଧାନଶିକ୍ଷକମାନଙ୍କୁ ଡକାଯାଇଥିଲା | ପଞ୍ଜାବର ଏକ ନାମିଦାମୀ ହୋଟେଲରେ ଏହି ବୈଠକର ଆୟୋଜନ କରାଯାଇଥିବାବେଳେ ଶିକ୍ଷକମାନଙ୍କୁ ଆଣିବା ପାଇଁ ରାଜ୍ୟ ସରକାର ଶୀତତାପ ନିୟନ୍ତ୍ରିତ ବସର ବ୍ୟବସ୍ଥା ମଧ୍ୟ କରିଥିଲେ | ତେବେ ବୈଠକ ସରିବା ପରେ ଯେତେବେଳେ ଭୋଜନ ପରସା ଯାଇଥିଲା ସେତେବେଳେ ଶିକ୍ଷକମାନେ ବିଶୃଙ୍ଖଳିତ ହୋଇଯାଇଥିଲେ |
Lunch time of Principals and Teachers in Punjab after meeting CM. Time to go to HEYWARD. CM might have gone home with some HEYWARDS. pic.twitter.com/bDwF1HooCm
— Abhijit Guha (@Abhijit33886372) May 11, 2022
ଶିକ୍ଷକମାନେ ପ୍ଲେଟ ନେବାକୁ ଝଗଡା କରିବା ସହ କେହି କାହାରିକୁ ଛାଡ଼ିନଥିଲେ | ଧାଡି ବାନ୍ଧି ପ୍ଲେଟ ନେବା ଅପେକ୍ଷା ଜୋରଜବରଦସ୍ତ ଭାବେ ପ୍ଲେଟ ନେବାକୁ ସମସ୍ତେ ଲାଗିପଡ଼ିଥିଲେ | ରାଜ୍ୟ ଶିକ୍ଷା ମନ୍ତ୍ରୀ ଗୁରୁମିତ ସିଂ କହିଛନ୍ତି ଯେ ଶିକ୍ଷା ବ୍ୟବସ୍ଥାରେ ଉନ୍ନତି ଆଣିବା ପାଇଁ ଶିକ୍ଷକଙ୍କ ପରାମର୍ଶ ଜାଣିବା ପାଇଁ ଏହି ବୈଠକ ଡକାଯାଇଥିଲା ।