୫ମ ଥର ପାଇଁ ରୁଷିଆର ରାଷ୍ଟ୍ରପତି ହେଲେ ଭ୍ଲାଦିମିର ପୁଟିନ, ପାଇଲେ ୮୮% ଭୋଟ
ମସ୍କୋ: ଭ୍ଲାଦିମିର ପୁଟିନ୍ ଲଗାତାର ପଞ୍ଚମ ଥର ପାଇଁ ରୁଷିଆର ରାଷ୍ଟ୍ରପତି ନିର୍ବାଚନ ଜିତିଛନ୍ତି। ବିରୋଧୀ ଦଳ ନେତାଙ୍କ ବିନା ଲଢାଯାଇଥିବା ଏହି ନିର୍ବାଚନରେ ସେ ପ୍ରାୟ ୮୮ ପ୍ରତିଶତ ଭୋଟ ପାଇ ବିଜୟୀ ହୋଇଛନ୍ତି। ରୁଷିଆର କେନ୍ଦ୍ରୀୟ ନିର୍ବାଚନ ଆୟୋଗ ସୋମବାର କହିଛନ୍ତି ଯେ ଭ୍ଲାଦିମିର ପୁଟିନ୍ ଦେଶରେ ଅନୁଷ୍ଠିତ ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି। ରେକର୍ଡ ଭୋଟ ପ୍ରତିଶତ ସହ ସେ ପଞ୍ଚମ ଥର ପାଇଁ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି। ୭୧ ବର୍ଷୀୟ ପୁଟିନ୍ ୧୯ ପରଠାରୁ କୌଣସି ନିର୍ବାଚନ ହାରି ନାହାନ୍ତି।
Sambad is now on WhatsApp
Join and get latest news updates delivered to you via WhatsApp
ରୁଷିଆର କେନ୍ଦ୍ରୀୟ ନିର୍ବାଚନ ଆୟୋଗ ସୋମବାର କହିଛନ୍ତି ଯେ ପ୍ରାୟ ୧୦୦ ପ୍ରତିଶତ ଅଞ୍ଚଳରେ ଭୋଟ୍ ଗଣତି ହୋଇଛି ଏବଂ ପୁଟିନ୍ ୮୭.୨୯ ପ୍ରତିଶତ ଭୋଟ୍ ପାଇଛନ୍ତି। ଆୟୋଗର ମୁଖ୍ୟ ଏଲା ପାମ୍ଫିଲୋଭା କହିଛନ୍ତି ଯେ ପାଖାପାଖି ୭୬ ନିୟୁତ ଲୋକ ପୁଟିନଙ୍କୁ ଭୋଟ୍ ଦେଇଛନ୍ତି, ଯାହା କି ତାଙ୍କୁ ମିଳିଥିବା ସର୍ବାଧିକ ଭୋଟ୍।
ନିର୍ବାଚନରେ ପୁଟିନଙ୍କ ବିଜୟ ଦେଶର ରାଜନୈତିକ ବ୍ୟବସ୍ଥା ଉପରେ ତାଙ୍କର ନିୟନ୍ତ୍ରଣକୁ ଦର୍ଶାଉଛି। ପୁଟିନଙ୍କ ନିକଟରେ ମାତ୍ର ୩ ଜଣ ନାମମାତ୍ର ପ୍ରାର୍ଥୀ ଥିଲେ। ୟୁକ୍ରେନ ଯୁଦ୍ଧକୁ ବିରୋଧ କରୁଥିବା କାହାରିକୁ ପୁଟିନଙ୍କ ବିରୋଧରେ ଲଢ଼ିବାକୁ ଅନୁମତି ଦିଆଯାଇନଥିଲା।